Car Theft : गाडी नवीन असो वा जुनी, ती चोरीला जाण्याची भीती नेहमीच असते. ज्यांची गाडी घराबाहेर उभी असते त्यांना जास्त भीती असते. सेफ्टी फीचर्स असूनही चोर गाडी चोरण्यात यशस्वी होतात. अनेकदा लोक त्यांच्या गाड्या नीट लॉक करत नाहीत त्यामुळे वाहने चोरीला जातात.

येथे आम्ही तुम्हाला काही उपाय सांगत आहोत, ज्याद्वारे तुम्ही तुमच्या कारला चोरीपासून वाचवू शकता. चोरट्यांनी कोणत्या कारच्या मॉडेल्सना टार्गेट केले आहे तेही जाणून घेऊया..

या गाड्या सर्वाधिक चोरल्या जातात –

कार तज्ज्ञांच्या मते, चोरांचे लक्ष मुख्यतः मारुती सुझुकी अल्टो, स्विफ्ट, डिझायर, ह्युंदाई i10, सेंट्रो, क्रेटा, टाटा टियागो, होंडा सिटी आणि महिंद्रा बोलेरो यांसारख्या कारवर असते.

पांढऱ्या रंगाच्या गाड्या सर्वाधिक चोरीला जातात –

पांढऱ्या रंगाच्या गाड्या सर्वात जास्त चोरीला गेल्याचे अहवालात मानले जाते, कारण पांढऱ्या रंगाच्या गाड्या सहजपणे दुसऱ्या रंगाने रंगवता येतात. एवढेच नाही तर पांढऱ्या रंगाच्या कार ओळखणे आणि ट्रॅक करणे कठीम असते. यानंतर काळ्या-करड्या रंगाच्या गाड्या चोरीला जातात.

काय करायचं –

तुमची कार चोरीला जाण्यापासून वाचवण्यासाठी, सर्वप्रथम तुम्हाला ती व्यवस्थित लॉक करावी लागेल. अनोळखी रस्त्यावर पार्किंग करणे टाळा. कारमध्ये गियर लॉकचा वापर जरुर करा. स्टीयरिंग व्हील लॉकरचा वापर केल्याने चोरांना आळा बसेल. सुरक्षिततेसाठी तुम्ही तुमच्या कारमध्ये GPS ट्रॅकर स्थापित करणे आवश्यक आहे.