Ramayana Trailer Missing Hanuman: रणबीर कपूर, यश आणि साई पल्लवी यांच्या प्रमुख भूमिका असलेल्या बहुप्रतिक्षित ‘रामायण‘ या चित्रपटाचा ट्रेलर अखेर प्रदर्शित झाला आहे. नितेश तिवारी दिग्दर्शित आणि नमित मल्होत्रा निर्मित या चित्रपटाची अनेक दिवसांपासून प्रेक्षक आतुरतेने वाट पाहत होते. तब्बल ४,००० कोटी रुपयांच्या बजेटमुळे हा चित्रपट आधीपासूनच चर्चेत आहे. ट्रेलरमधील भव्य दृश्ये, दमदार व्हीएफएक्स आणि कलाकारांच्या लूकचे कौतुक होत असले, तरी एका गोष्टीने चाहत्यांची निराशा केली आहे. ती म्हणजे भगवान हनुमानाची एकही झलक ट्रेलरमध्ये दिसली नाही.   (Ramayana Trailer Missing Hanuman)

सुमारे ४ मिनिटे १० सेकंदांच्या या ट्रेलरमध्ये राम, सीता, रावण आणि इतर अनेक महत्त्वाच्या पात्रांची झलक दाखवण्यात आली आहे. मात्र, भगवान हनुमानाची भूमिका साकारणार असल्याचे सांगितले जाणारे अभिनेता सनी देओल ट्रेलरमध्ये कुठेच दिसत नाहीत. त्यामुळे सोशल मीडियावर चाहत्यांमध्ये मोठी चर्चा सुरू झाली आहे.

सनी देओल भगवान हनुमानाच्या भूमिकेत दिसणार असल्याची माहिती यापूर्वीच समोर आली होती. त्यामुळे ट्रेलरमध्ये त्यांच्या भूमिकेची पहिली झलक पाहण्यासाठी चाहते उत्सुक होते. मात्र ट्रेलर संपल्यानंतरही त्यांचा लूक समोर न आल्याने अनेकांनी आश्चर्य व्यक्त केले.  (Ramayana Trailer Missing Hanuman)

 

 

सोशल मीडियावर सध्या “हनुमान कुठे?” आणि “सनी देओलचा लूक कधी दिसणार?” असे प्रश्न मोठ्या प्रमाणात विचारले जात आहेत. अनेक चाहत्यांनी निर्मात्यांना हनुमानाचा लूक जाणीवपूर्वक लपवून ठेवला आहे का, असा सवालही केला आहे. काहींनी तर, “सनी देओलचा हनुमान ट्रेलरमध्ये दिसला असता, तर ट्रेलर आणखी प्रभावी झाला असता,” अशी प्रतिक्रिया दिली आहे.   (Ramayana Trailer Missing Hanuman)

दरम्यान, काही चाहत्यांचे मत वेगळे आहे. त्यांच्या मते, चित्रपटातील सर्वात मोठे सरप्राइज जपण्यासाठी निर्मात्यांनी हनुमानाचा लूक मुद्दाम गुप्त ठेवला असावा. त्यामुळे चित्रपटाबद्दलची उत्सुकता आणखी वाढेल, असेही काही जणांचे म्हणणे आहे.  (Ramayana Trailer Missing Hanuman)

याआधी केंद्रीय चित्रपट प्रमाणन मंडळाने (CBFC) ‘रामायण’च्या दोन ट्रेलरना प्रमाणपत्र दिल्याची माहिती समोर आली होती. त्यामुळे दुसऱ्या ट्रेलरमध्ये किंवा पुढील प्रचार साहित्यामध्ये सनी देओल यांच्या हनुमानाच्या भूमिकेची झलक पाहायला मिळण्याची शक्यता व्यक्त केली जात आहे. मात्र याबाबत निर्मात्यांकडून अद्याप कोणतीही अधिकृत माहिती देण्यात आलेली नाही.  (Ramayana Trailer Missing Hanuman)

‘रामायण’ हा भारतीय चित्रपटसृष्टीतील सर्वात महत्त्वाकांक्षी प्रकल्पांपैकी एक मानला जात आहे. भव्य सेट, आधुनिक तंत्रज्ञान, उत्कृष्ट व्हिज्युअल इफेक्ट्स आणि दमदार स्टारकास्ट यामुळे या चित्रपटाकडून प्रेक्षकांच्या अपेक्षा खूप मोठ्या आहेत. ट्रेलरनंतर या चित्रपटाची चर्चा आणखी वाढली असून आता सर्वांच्या नजरा पुढील ट्रेलर आणि चित्रपटाच्या प्रदर्शनाकडे लागल्या आहेत.

दरम्यान, ‘रामायण: पार्ट १’ प्रदर्शित होण्यापूर्वी सनी देओल यांचा आणखी एक चित्रपट प्रेक्षकांच्या भेटीला येणार आहे. ‘बंटवारा १९४७’ हा त्यांचा बहुप्रतिक्षित चित्रपट १४ ऑगस्ट २०२६ रोजी प्रदर्शित होणार आहे. मात्र सध्या सोशल मीडियावर सर्वाधिक चर्चा होत आहे ती ‘रामायण’मधील त्यांच्या हनुमानाच्या भूमिकेची. आता दुसऱ्या ट्रेलरमध्ये सनी देओलची दमदार झलक दिसते का, याकडे चाहत्यांचे लक्ष लागले आहे.