Sunita Williams । अंतराळवीर सुनीता विल्यम्स आणि तिचा साथीदार बुच विल्मोर यांना इंटरनॅशनल स्पेस स्टेशन (ISS) पर्यंत घेऊन जाणारे अंतराळयान बोइंग स्टारलाइनरमध्ये बिघाड झाला आहे. यानंतर, अमेरिकन स्पेस एजन्सी नासाचे म्हणणे आहे की अंतराळवीरांच्या पहिल्या गटाला घेऊन जाणाऱ्या बोईंग स्टारलाइनरचे परतणे काही दिवसांसाठी पुढे ढकलण्यात आले आहे. मात्र, नासाने अद्याप नवीन तारखा जाहीर केलेल्या नाहीत. यानंतर नासाच्या भारतीय वंशाच्या अंतराळवीर सुनीता विल्यम्स आणि इतर क्रू मेंबर्ससाठी मोठ्या अडचणी निर्माण झाल्या आहेत.

आता इस्त्रोचे प्रमुख एस सोमनाथ यांनी याबाबत अपडेट दिली आहे. ‘सुनीता विल्यम्स यांच्या परतण्याचा चिंतेचा विषय नसावा, लोकांना दीर्घकाळ राहण्यासाठी स्पेस स्टेशन हे सुरक्षित ठिकाण आहे, अशी प्रतिक्रिया एस सोमनाथ यांनी दिली. इस्त्रो प्रमुख एस सोमनाथ यांनी वृत्तवाहिनीला दिलेल्या मुलाखत पुढे सांगितले की,’हे फक्त सुनीता विल्यम्स किंवा इतर कोणत्याही अंतराळवीरांबद्दल नाही. त्यांना एक ना एक दिवस परत यावे लागेल. संपूर्ण मुद्दा बोईंग स्टारलाइनर नावाच्या नवीन क्रू मॉड्यूलच्या चाचणीचा आहे. ते सुरक्षितपणे परत येण्याच्या क्षमतेबद्दल आहे. ISS हे लोकांसाठी दीर्घकाळ राहण्यासाठी सुरक्षित ठिकाण आहे.’

दरम्यान बोइंग स्टारलाइनर 5 जून रोजी यूएस स्थानिक वेळेनुसार सकाळी 10:52 वाजता लॉन्च करण्यात आले. फ्लोरिडा येथील केप कॅनवेरल स्पेस फोर्स स्टेशनवरून क्रूसह उड्डाण करण्याचे ठरले होते. त्याचे नऊ दिवसांचे मिशन रुळावरून घसरले आहे. आता हेलियम गळतीमुळे त्यांची परतीची तारीख अनिश्चित झाली. हार्मनी मॉड्यूल ज्याला स्टारलाइनर जोडलेले आहे त्यामध्ये मर्यादित इंधन आहे याची देखील चिंता आहे.

स्टारलाइनर फक्त ४५ दिवसांसाठी डॉक राहू शकतो. आता हे सुरक्षित परतीच्या उड्डाणाच्या शक्यतेला धक्का देत आहे. तथापि, नासाचे कमर्शियल क्रू प्रोग्राम मॅनेजर स्टीव्ह स्टिच यांनी सांगितले आहे की सामान्य परिस्थितीत ते 45 दिवस जोडलेले राहू शकते, परंतु आवश्यक असल्यास, त्याचा कालावधी 72 दिवसांपर्यंत वाढविला जाऊ शकतो.

सध्याच्या परिस्थितीवरून हे स्पष्ट आहे की अंतराळवीर सुनती विल्यम्स आणि विल्मोर किमान 2 जुलैपर्यंत ISS वर राहतील. स्टेशनवर डॉक असलेल्या स्टारलाइनरला प्रभावित करणाऱ्या हीलियम गळतीचा अधिकारी तपास करत आहेत. अंतराळवीरांच्या परतीसाठी सर्वात सुरक्षित कृती निश्चित करण्यासाठी अभियंते चाचण्या आणि सिम्युलेशन घेत आहेत. स्टीव्ह स्टिच म्हणाले की ते एसओपीचे पालन करत आहेत आणि डेटावर आधारित निर्णय घेत आहेत. एकदा का तोडगा निघाला की तो परत येईल असा त्याला विश्वास आहे. याशिवाय अडकलेल्या अंतराळवीरांना वाचवण्यासाठी स्पेसएक्सच्या क्रू ड्रॅगन यानाची मदत घेतली जाऊ शकते.