व्हॉट्सऍप हे आज जगात सर्वाधिक वापरले जाणारे इन्स्टंट मेसेजिंग ऍप आहे. व्हॉट्सऍपमध्ये देखील अनेक अफलातून फीचर्स आहेत, परंतु व्हॉट्सऍप वापरकर्त्यांच्या नवीन फीचर्सची मागणी कधीही कमी होणार नाही. व्हॉट्सऍप आपल्या वापरकर्त्यांची मागणी लक्षात घेऊन वेळोवेळी नवीन फीचर्स सादर करत राहते. आता बातमी आली आहे की व्हॉट्सऍप प्रायव्हसी सेटिंगबाबत अशा फीचरवर काम करत आहे, ज्याची तुम्हीच नाही तर संपूर्ण जग आतुरतेने वाट पाहत होते. चला तर, या आगामी फिचरबद्दल जाणून घेऊया.

* व्हॉट्सऍप लास्ट सीन, प्रोफाइल फोटो आणि अबाउट याबद्दल नवीन अपडेट जारी करणार आहे. नवीन फीचरची बीटा आवृत्तीवर चाचणी केली जात आहे. नवीन अपडेटनंतर, वापरकर्ते स्वतःच ठरवू शकतील की कोण त्यांचे लास्ट सीन, प्रोफाइल फोटो पाहू शकतील आणि कोण नाही. सोप्या भाषेत सांगायचे तर, सध्या तुम्ही जसे तुमच्या स्टेटसची सेटिंग करता त्याप्रमाणे तुम्ही त्याची सेटिंग्ज सेट करू शकाल.

* जर तुम्हाला तुमचे लास्ट सीन, प्रोफाइल फोटो आणि अबाऊट हे केवळ तुम्हाला दाखवण्याची इच्छा असलेल्या लोकांनीच पाहायचे असेल तर ही बातमी तुमच्यासाठी आहे. व्हॉट्सऍपच्या बीटा ट्रॅकर WABetaInfo ने नवीन फीचरची माहिती दिली आहे. रिपोर्टमध्ये म्हटले आहे की नवीन फिचरची चाचणी अँड्रॉइड आणि आयओएस या दोन्ही आवृत्त्यांवर केली जात आहे. या रिपोर्टमध्ये एक स्क्रीनशॉट देखील देण्यात आला आहे.

*रिपोर्टमध्ये असेही म्हटले आहे की नवीन अपडेटनंतर लास्ट सीन डिसेबल करण्याची सुविधाही असेल. 2017 मध्ये व्हॉट्सऍपने गोपनीयतेच्या दृष्टीने ‘माय कॉन्टॅक्ट’ वगळता फिचर सादर केले आणि आता कंपनी हे फिचर आणखी अद्ययावत करत आहे. नवीन फिचर सध्या चाचणी अवस्थेत आहे आणि सर्वांसाठी लाँच करण्यासाठी अद्याप कोणतीही निश्चित तारीख निश्चित केलेली नाही.

अलीकडेच व्हॉट्सऍपने आपला मासिक वापरकर्ता-सुरक्षा अहवाल जारी केला आहे, ज्यात असे सांगण्यात आले आहे की या वर्षी जून-जुलै दरम्यान तीस लाखांहून अधिक व्हॉट्सऍप खात्यांवर बंदी घालण्यात आली आहे.

व्हॉट्सऍपने म्हटले आहे की प्लॅटफॉर्म सुरक्षित आणि स्पॅम मुक्त ठेवण्यासाठी ऑनलाइन स्पॅम आणि गैरवर्तनाविरोधात ही कारवाई करण्यात आली आहे. जून ते जुलै 2021 दरम्यान सुमारे 30 लाख 27 हजार खात्यांवर बंदी घालण्यात आली आहे. तक्रार अधिकाऱ्यांकडे आलेल्या तक्रारींनंतर या खात्यांवर स्वयंचलित साधनाद्वारे प्रक्रिया करण्यात आली आहे.