इन्स्टंट मेसेजिंग अॅप व्हॉट्सअॅपने नुकतेच आपले नवे उत्कृष्ट फिचर ‘अवतार’ जारी केले आहे. हे फिचर प्रथम बीटा चाचणीसाठी जारी करण्यात आले आहे. म्हणजेच आता भारतातील सर्व व्हॉट्सअॅप यूजर्स या फीचरचा आनंद घेऊ शकणार आहेत. या फीचरच्या मदतीने, वापरकर्ते केवळ त्यांचा अवतार डिझाइन करू शकत नाहीत तर ते इतर लोक आणि मित्रांना शेअर देखील करू शकतात. हे फीचर यापूर्वी फेसबुक आणि इतर मेसेंजर अॅप्सवर देखील वापरले गेले आहे.

व्हॉट्सअॅपच्या नवीन अवतार फीचरमुळे अॅप वापरण्याची मजा द्विगुणित होणार आहे. नवीन फीचरच्या मदतीने तुम्ही तुमचा अवतार सहज तयार करू शकाल. तसेच तुम्ही व्हॉट्सअॅप प्रोफाइल फोटो म्हणून (WhatsApp DP) वापरू शकता. एवढेच नाही तर यूजर्स हा अवतार व्हॉट्सअॅप प्रोफाइल फोटोसह चॅटिंगमध्ये चॅट स्टिकर म्हणून वापरू शकतील. म्हणजेच चॅटिंगदरम्यान तुम्ही तुमचा अवतार स्टिकरमध्ये बदलून पाठवू शकता.

* याप्रमाणे कार्य करेल
तुम्ही व्हॉट्सअॅपवर तुमचा अवतार दोन प्रकारे तयार करू शकता. अवतार तयार करण्यासाठी, तुम्हाला व्हॉट्सअॅपमध्येच विविध केशरचना, रंग, आउटफिट्स आणि चेहऱ्याच्या फीचर्सचा पर्याय मिळतो. या पर्यायांचा वापर करून तुम्ही तुमच्या इच्छेनुसार अवतार डिझाइन करू शकता. त्यात तुम्हाला बॉडी शेप आणि चष्मा बसवण्याची सुविधाही मिळते. तसेच तुम्हाला 36 कस्टम अवतार स्टिकर पर्याय मिळतात. अवतार तयार केल्यानंतर, तुम्ही तो प्रोफाइल फोटो किंवा स्टिकर म्हणून वापरू शकता. तुम्हाला तुमचा अवतार आवडत नसेल तर तुम्ही तो एडिट देखील करू शकता.

* फेसबुकवर हे फिचर आधीच उपलब्ध
अवतार तयार करण्याची सुविधा फेसबुकवर आधीपासूनच उपलब्ध आहे, जे मेटाच्या मालकीचे दुसरे सोशल मीडिया प्लॅटफॉर्म आहे. मात्र, आता त्यात आणखी अनेक चांगले पर्याय समाविष्ट करण्यात आले आहेत. मेटा सीईओ मार्क झुकरबर्ग यांनी अधिकृतपणे इन्स्टंट मेसेजिंग अॅप व्हाट्सएपसाठी देखील हे फिचर आणले आहे. लॉन्च दरम्यान झुकरबर्गने सांगितले की, आम्ही व्हॉट्सअॅपवर अवतार फीचर देखील आणत आहोत, ज्याचा वापर तुम्ही प्रोफाइलपासून चॅट करण्यासाठी स्टिकर म्हणून करू शकता.