सीएम योगी आदित्यनाथ यांनी उत्तर प्रदेशातील कावड यात्रेबाबत मोठा आदेश दिला आहे. कावड मार्गावरील सर्व दुकानांवर मालकाच्या नावाची पाटी लावणे बंधनकारक असेल, असे आदेश मुख्यमंत्री योगी यांनी दिले. योगी सरकारच्या या निर्णयावर विरोधक सातत्याने हल्लाबोल करत आहेत, मात्र आता भाजपचा मित्रपक्ष राष्ट्रीय लोकदल (RLD) नेही सीएम योगींच्या या आदेशाविरोधात वक्तव्य केले आहे. राष्ट्रीय लोकदलाचे प्रमुख जयंत चौधरी यांनी कावड मार्गावरील दुकानांमध्ये नेम प्लेट लावण्याबाबत मोठे वक्तव्य केले आहे. जयंत चौधरी सरकारच्या या निर्णयावर खूश नसून नेम प्लेटच्या निर्णयाविरोधात उघडपणे बोलले आहेत. जयंत चौधरी म्हणाले की, ‘कावड वा सेवा करणाऱ्याची ओळख नसते, कोणीही धर्म किंवा जातीच्या आधारावर सेवा घेत नाही. ते पुढे म्हणाले, या प्रकरणाला धर्म आणि जातीशी जोडू नये.’ “मॅकडोनाल्ड आणि बर्गर किंग काय लिहिणार?” ‘प्रत्येकजण आपापल्या दुकानांवर नावे लिहित आहे, मॅकडोनाल्ड आणि बर्गर किंग काय लिहिणार? ते पुढे म्हणाले, सरकारने खूप विचार करून हा निर्णय घेतलेला नाही, अजून वेळ आहे, सरकारने हा निर्णय मागे घ्यावा नाहीतर त्यावर जास्त जोर देऊ नये.’ “आता कुर्त्यावरही नावं लिहायला सुरुवात करा.” धर्मावर आपले मत मांडताना आरएलडी प्रमुख म्हणाले की, ‘मुस्लिम शाकाहारी आहेत आणि हिंदू देखील मांसाहारी आहेत. नावे कुठे लिहायची, असा प्रश्नही त्यांनी विचारला, कुर्त्यावरही नावे लिहायला सुरुवात करायची का.असा प्रश्नही त्यांनी उपस्थित केला आहे. या आदेशाला विरोधक विरोध करत आहेत कावड यात्रेदरम्यान कावड मार्गावरील दुकानांवर मालकांच्या नावाच्या पाट्या लावल्या जातील, हा आदेश सर्वप्रथम मुझफ्फरनगरच्या डीआयजींनी जारी केला होता, त्यानंतर गुरुवारी सीएम योगी यांनी संपूर्ण राज्यात हा आदेश जारी केला. या आदेशावर विरोधक जोरदार हल्लाबोल करत आहेत. या आदेशाचा निषेध करत समाजवादी पक्षाचे प्रमुख अखिलेश यादव यांनी ट्विट या आदेशावरण सरकार टीका केली होती.
