Eknath Shinde | गृह राज्यमंत्री योगेश कदम यांच्यावर वाळू चोरी आणि डान्स बार प्रकरणात गंभीर आरोप करण्यात येत आहे. याप्रकरणी विरोधकांकडून त्यांच्या राजीनाम्याच्या मागणीने जोर धरला आहे. असे असतानाच रविवारी कोकण दौऱ्यादरम्यान उपमुख्यमंत्री एकनाथ शिंदे यांनी गृहराज्यमंत्री योगेश कदम यांच्याशी संबंधित डान्सबारचे जाहीरपणे समर्थन केले आहे. यावरून महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी एकनाथ शिंदे यांच्यावर निशाणा साधला आहे.

रामदास कदम यांची कबुली

गृहराज्यमंत्री योगेश कदम यांच्या आईच्या नावाने मुंबईतील कांदिवलीमध्ये ‘सावली’ नावाचा डान्सबार सुरु असल्याचा दावा माजी मंत्री अनिल परब यांनी केला होता. या डान्स बारवर पोलिसांनी छापा टाकला असता येथे सर्व नियमांचे उल्लंघन करण्यात आल्याचे ‘एफआयआर’मध्ये नमूद करण्यात आले आहे. हा डान्सबार आपल्या पत्नीचा नावाने आहे याची कबुली गृहराज्यमंत्री योगेश कदम यांचे वडील माजी मंत्री रामदास कदम यांनी दिली आहे. Eknath Shinde |

हर्षवर्धन सपकाळ काय म्हणाले ? 

“राज्यातील महायुती सरकार हे महाराष्ट्राला लागलेला कलंक आहे, सत्तेला चिकटून राहण्यासाठी यांनी सर्व मर्यादा ओलांडल्या आहेत. सत्ताधारी पक्षाचे आमदार, पदाधिकारी व मंत्र्यांनीच ताळतंत्र सोडले आहे. हा सर्व प्रकार म्हणजे निर्ल्लजपणाचा कळस असून जनाची नाही तर मनाची तरी बाळगा,”अशी टीका महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी केली. Eknath Shinde |

‘शिंदेचं भाजपाच्या इशाऱ्यावर कठपुतलीसारखे नाचतात’

‘काँग्रेसच्या इशाऱ्यावर नाचणाऱ्यांनी डान्सबारवर बोलू नये’, असे म्हणणारे एकनाथ शिंदेचं भाजपाच्या इशाऱ्यावर कठपुतलीसारखे नाचत आहेत. विलासराव देशमुख यांच्या नेतृत्वाखालील काँग्रेस आघाडी सरकार असताना तत्कालीन गृहमंत्री आर. आर. पाटील यांनी राज्यातील डान्सबारला बंदी केली होती, याची एकनाथ शिंदे यांनी माहिती घ्यावी आणि मगच काँग्रेसवर बोलावे,’ असेही सपकाळ म्हणाले आहेत.  Eknath Shinde |

लाडक्या बहिणींचा भाऊ म्हणून मिरवता आणि …. 

“उपमुख्यमंत्री एकनाथ शिंदे या डान्सबारचे समर्थन कसे काय करत आहेत? हिंदुत्वाच्या विचारासाठी उठाव केला म्हणणाऱ्या शिंदेंनी डान्सबारमध्ये मुली नाचवणे कोणत्या हिंदुत्वात बसते. हा कसला विकास व कोणाचा विकास आहे? लाखो लोकांचे संसार उद्धवस्त करणारी डान्सबार संस्कृती हवीच कशाला?, एकीकडे लाडक्या बहिणींचा भाऊ म्हणून मिरवता आणि त्याच बहिणींचे संसार मोडीत काढणाऱ्या डान्सबारचे समर्थन कोणत्या तोंडाने करता?, “असा सवालही सपकाळ यांनी केला आहे.

गृहराज्यमंत्री योगेश कदम यांची मंत्रीमंडळातून हकालपट्टी झालीच पाहिजे. मुख्यमंत्री देवेंद्र फडणवीस यांनीही एकनाथ शिंदे यांच्या विधानावर खुलासा करावा, अशी मागणी सपकाळ यांनी केली आहे. Eknath Shinde |

हेही वाचा : 

सरकारी कर्मचार्‍यांच्या सोशल मीडिया वापरावर निर्बंध; नियमाचे पालन न करणे पडणार महागात