लातूर – ‎ तुमच्या मुलावर सरकारने राष्ट्रद्रोहाचा गुन्हा दाखल ‎केला आहे, असे सांगताच राष्ट्रद्रोह म्हणजे काय ‎असतंय…? असा भाबडा सवाल संसदेत स्मोक ‎कँडल पेटवणाऱ्या अमोल शिंदेच्या आईने केला आहे. ‎माझ्या मुलासोबत नेमके काय सुरू आहे आम्हाला ‎कोणीच सांगत नाही. मला माझ्या मुलाची भेट ‎घालून द्या, अन्यथा आम्ही जीव देऊ अशी ‎हतबलता अमोलची आई केशराबाई शिंदे यांनी ‎एटीएस टीमसमोर व्यक्त केली.

‎चाकूर तालुक्यातील झरी (बु) येथे अमोल ‎शिंदेच्या घरात तपास यंत्रणांची रांग लागलेली ‎आहे. ‎दरम्यान, आईवडील निरक्षर आहे. यामुळे ‎राष्ट्रद्राेह कशाला म्हणतात, संसदेवरील हल्ला ‎करण्याचे परिणाम काय होतात या सर्व बाबींपासून ‎अमोलचे कुटुंबीय कोसो दूर आहेत. ‎

या गुन्ह्यातील तपासकामी एनआयए‎(नॅशनल इन्व्हेस्टिगेशन एजन्सी‎, भारत सरकार) लक्ष ‎घातले आहे. त्यामुळे झरी (बु) येथे ‎दिल्ली येथून ‘एनआयए’चे पथक ‎येणार, अशी माहिती एटीएसला ‎मिळाल्यामुळे मध्यरात्री २ वाजेपर्यंत‎ एटीएसचे पथक झरी येथे ताटकळत‎ बसले होते. परंतु, रात्री उशिरा या ‎पथकाचा दौरा पुढे गेल्याची माहिती‎ मिळताच एटीएस परत फिरले.‎

अमोल शिंदे याच्या मोबाइलचा‎ डाटा तपास यंत्रणांनी काढला ‎असून त्याची यादी एटीएसकडे‎ पोहोचली आहे. या डेटानुसार ‎अमोलच्या संपर्कात ८ नंबर ट्रेस ‎करण्यात आले असून हे नंबर‎ परराज्यांतील आहेत. अमोलच्या ‎संपर्कात आलेल्यांची चौकशी‎ करण्याचे काम एटीएस करत ‎आहे. हा आकडा शनिवारी‎ सायंकाळपर्यंत ७० वर पोहोचला आहे.‎