Kajol Statement | बॉलिवूड अभिनेत्री काजोलने कामाच्या वेळेबाबत केलेले एक विधान सध्या चांगलेच चर्चेत आले आहे. काजोलनं तिच्या ‘टू मच विथ काजोल अँड ट्विंकल’ या सेलिब्रिटी चॅट शोमध्ये बोलताना एक वक्तव्य केलं, ज्यामुळे वाद निर्माण झाला. तिने, ‘कलाकार 9 ते 5 तास काम करणाऱ्या लोकांपेक्षा जास्त मेहनत करतात’, असे विधान केले. तिच्या या विधानावरून अनेकांनी नाराजी व्यक्त केली आहे. काजोलनं हे वक्तव्य केलं, त्यावेळी शोमध्ये वरुण धवन आणि आलिया भट्ट आले होते. शोमध्ये ट्विंकल खन्ना देखील काजोलसोबत होस्टिंग करते. शोमध्ये काजोलने 9 ते 5 काम करणाऱ्या ऑफिस कर्मचाऱ्यांशी स्वतःच्या इंडस्ट्रीतील कामाची तुलना केली काजोलने सांगितले की, ‘आपल्याला काम करताना खूप अॅक्टिव्ह राहावं लागतं. तुम्ही काम करत असाल तर 100 टक्के देणे गरजेचं असतं. काही जण ते पूर्ण करतात, पण जेव्हा मी ‘लीगल ड्राम: द ट्रायल’च्या दुसऱ्या सीझनसाठी 35-40 दिवस शूटिंग करत होते, तेव्हा रोज लवकर उठावं लागत होतं, व्यायाम करायचा, जेवण योग्य वेळेत घ्यावं लागायचं. एक इंचही वजन वाढवू नये कारण कपडे बसतील असं ठेवावं लागायचं. हा एक प्रकारे दबाव असतो.’ Kajol Statement | 9 ते 5 काम करणारे डेस्कवर बसतात… पुढे काजोल म्हणाली, ‘अभिनय करत असलो तरी इव्हेंटसाठीही जावं लागतं. 12-14 तास अॅक्टिव्ह राहणं हे खूप कठीण काम आहे. 9 ते 5 काम करणारे डेस्कवर बसतात, त्यांना पूर्ण वेळ देण्याची गरज नसते. तुम्ही टी ब्रेक घेऊ शकता, आराम करू शकता, खेळू शकता किंवा फेरफटका मारू शकता. आम्ही तुमच्यासारखं करू शकत नाही. कलाकारांना त्यांच्या कामात अधिक मेहनत करावी लागते, कारण त्यांचे दिवस खूप लांब आणि अॅक्टिव्ह असतात.’ दरम्यान, काजोलच्या या वक्तव्यामुळे सोशल मीडियावर नाराजी व्यक्त केली आहे. तर काहींना तिचं विधान योग्य वाटत आहे. Kajol Statement | हेही वाचा: मुंबईत अग्नितांडव ! कफ परेड आगीत १५ वर्षीय मुलाचा मृत्यू, तीन जण जखमी
