बारामती : दिवाळीच्या सणात बारामतीकरांसाठी आनंदाची आणि दिलासादायक बातमी आहे. शहराचा पाणीपुरवठा प्रामुख्याने निरा डाव्या कालव्यावर अवलंबून असल्याने कालव्याचे आवर्तन बंद असताना नागरिकांना नाईलाजाने एक दिवसाआड पाणीपुरवठा केला जात होता.

कालव्याचे पुढील नियोजित आवर्तन १० नोव्हेंबर २०२६ रोजी सुरू होणार होते. मात्र, दिवाळीच्या सणात नागरिकांची पाण्यासाठी कोणतीही गैरसोय होऊ नये आणि प्रत्येक कुटुंबाला सण आनंदात साजरा करता यावा, यासाठी बारामती नगरपरिषदेने तातडीने पाठपुरावा केला.

नगराध्यक्ष सचिन सातव, पाणीपुरवठा सभापती मनीषा चव्हाण आणि मुख्याधिकारी पंकज भुसे यांनी महाराष्ट्र राज्याच्या उपमुख्यमंत्री आदरणीय सुनेत्रावहिनी अजितदादा पवार, खासदार पार्थदादा पवार आणि युवा नेते जयदादा पवार यांच्याकडे विशेष विनंती करून निरा डाव्या कालव्याचे आवर्तन नियोजित वेळेपूर्वी सुरू करण्यासाठी तातडीने हस्तक्षेप करण्याची मागणी केली.

बारामतीकरांच्या या मागणीची तातडीने दखल घेत उपमुख्यमंत्री सुनेत्रावहिनी पवार, खासदार पार्थदादा पवार आणि युवा नेते जयदादा पवार यांनी संबंधित विभागाला त्वरित निर्देश दिले. त्यामुळे १० नोव्हेंबरची वाट न पाहता निरा डाव्या कालव्याचे आवर्तन सुरू करण्यात आले आहे.

बारामती शहराच्या विकासासोबतच शहरातील प्रत्येक नागरिकाच्या दैनंदिन गरजांकडे उपमुख्यमंत्री सुनेत्रावहिनी पवार यांचे कायम विशेष लक्ष असते. शहरातील कोणताही प्रश्न असो, नागरिकांच्या अडचणींची माहिती मिळताच त्या तत्परतेने दखल घेऊन संबंधित यंत्रणेला आवश्यक सूचना देतात. यावेळीही दिवाळीच्या काळात पाण्याची गैरसोय होऊ नये, यासाठी त्यांनी दाखवलेली तत्परता बारामतीकरांसाठी दिलासादायक ठरली आहे.

या निर्णयामुळे आता दिवाळीच्या सणात बारामती शहरातील नागरिकांना दररोज आणि मुबलक पाणीपुरवठा करणे शक्य होणार असून, पाण्याअभावी होणारी गैरसोय दूर होण्यास मोठा दिलासा मिळणार आहे.

नागरिकांची गरज ओळखून नगरपरिषदेने केलेला तातडीचा पाठपुरावा आणि उपमुख्यमंत्री सुनेत्रावहिनी पवार, खासदार पार्थदादा पवार व युवा नेते जयदादा पवार यांनी दिलेला तत्पर प्रतिसाद यामुळे बारामतीकरांची दिवाळी अधिक आनंददायी होणार आहे. या सहकार्याबद्दल बारामती नगरपरिषद आणि समस्त बारामतीकरांच्या वतीने त्यांचे मनःपूर्वक आभार व्यक्त करण्यात आले आहेत.

 

दिवाळीच्या सणात बारामतीकरांना पाण्याची कोणतीही अडचण भासू नये, यासाठी नगरपरिषदेच्या माध्यमातून तातडीने पाठपुरावा करण्यात आला. याबाबत उपमुख्यमंत्री आदरणीय सुनेत्रावहिनी अजितदादा पवार आणि खासदार पार्थदादा पवार यांच्याकडे विनंती केली असता त्यांनी तात्काळ सकारात्मक प्रतिसाद देत संबंधित विभागाला आवश्यक निर्देश दिले. युवा नेते जयदादा पवार यांचेही यासाठी मोलाचे सहकार्य लाभले. सुनेत्रावहिनींचे बारामती शहराकडे नेहमीच विशेष लक्ष असते. शहरातील विकासकामे असोत किंवा सर्वसामान्य नागरिकांचे दैनंदिन प्रश्न, प्रत्येक विषयाची त्या गांभीर्याने दखल घेतात आणि प्रश्न मार्गी लावण्यासाठी तत्परतेने प्रयत्न करतात. त्यांच्या या संवेदनशील आणि सकारात्मक भूमिकेमुळे बारामतीकरांना मोठा दिलासा मिळत आहे.
-सचिन सदाशिव सातव
नगराध्यक्ष, बारामती नगरपरिषद

निरा डाव्या कालव्याचे आवर्तन १० नोव्हेंबर रोजी नियोजित होते. मात्र, दिवाळीत नागरिकांची गैरसोय होऊ नये यासाठी आवर्तन लवकर सुरू करण्याची मागणी करण्यात आली होती. उपमुख्यमंत्री आदरणीय सुनेत्रावहिनी अजितदादा पवार आणि खासदार पार्थदादा पवार यांनी तत्परतेने दखल घेत संबंधित विभागाला निर्देश दिले. युवा नेते जयदादा पवार यांचेही मोलाचे सहकार्य लाभले. सुनेत्रावहिनींचे बारामतीकरांच्या प्रश्नांकडे नेहमीच विशेष लक्ष असते. नागरिकांच्या अडचणी सोडविण्यासाठी त्या सातत्याने तत्पर असतात. त्यांच्या या सकारात्मक प्रतिसादामुळे दिवाळीत दररोज पाणीपुरवठा शक्य झाला आहे. मात्र, यंदाची पावसाची परिस्थिती आणि धरणांमधील उपलब्ध पाणीसाठा लक्षात घेता भविष्यात पाण्याचे योग्य नियोजन करणे आवश्यक आहे. त्यामुळे सर्व नागरिकांनी पाण्याचा वापर जपून व काटकसरीने करावा, असे आवाहन करते.
– मनीषा समीर चव्हाण
सभापती, पाणीपुरवठा समिती, बारामती नगरपरिषद

दिवाळीच्या सणात बारामतीकरांना दररोज पाणीपुरवठा करता यावा, यासाठी नगरपरिषद प्रशासनाने तातडीने पाठपुरावा केला. निरा डाव्या कालव्याचे आवर्तन नियोजित वेळेपूर्वी सुरू झाल्याने आता शहराचा पाणीपुरवठा सुरळीत ठेवण्यासाठी आवश्यक नियोजन करण्यात येत आहे. नगरपरिषदेच्या पाणीपुरवठा विभागाला योग्य समन्वयातून नागरिकांना नियमित व पुरेशा दाबाने पाणी उपलब्ध करून देण्याच्या सूचना देण्यात आल्या आहेत. यंदाची पावसाची परिस्थिती आणि धरणांमधील उपलब्ध पाणीसाठा लक्षात घेता पाण्याचे काटेकोर नियोजन करणे आवश्यक आहे. त्यामुळे नागरिकांनीही पाण्याचा वापर जपून व काटकसरीने करावा आणि पाण्याचा अपव्यय टाळण्यासाठी प्रशासनाला सहकार्य करावे.
– श्री. पंकज अनिल भुसे
मुख्याधिकारी, बारामती नगरपरिषद, बारामती.