Amitabh bachchan – ‘कौन बनेगा करोडपती’ (KBC) या लोकप्रिय दूरचित्रवाणी कार्यक्रमाच्या मंचावर या आठवड्यात १० वर्षीय इशित भट्टने आपला ठसा उमटवला. मात्र, त्याच्या आत्मविश्वासपूर्ण वर्तनाचा आणि अमिताभ बच्चन यांच्यासोबतच्या संवादाचा व्हिडिओ सोशल मीडियावर व्हायरल झाल्यानंतर नेटिझन्समध्ये मोठी चर्चा रंगली आहे. काहींनी इशितच्या धाडसी आणि आत्मविश्वासपूर्ण बोलण्याचे कौतुक केले, तर काहींना त्याचे वर्तन “अति आत्मविश्वास” आणि “असभ्यपणा” वाटला.

तीन वर्षांपूर्वीचा केबीसी जाहिरात वास्तवात उतरला…
केबीसीसाठी तीन वर्षांपूर्वी लेखक नीरज सिंग यांनी लिहिलेल्या एका जाहिरातीत अमिताभ बच्चन एका लहान मुलाला प्रश्न विचारतात. मध्येच मुलगा म्हणतो, “मला उत्तर माहित आहे!” आणि बच्चन त्याला शांत करण्याचा प्रयत्न करतात, तेव्हा तो खोडकरपणे म्हणतो – “YOLO!” शेवटी बच्चन हसत म्हणतात, “हे उत्तर चुकीचं आहे.”

 

View this post on Instagram

 

A post shared by Neeraj (@neerajsiingh__)

अरे लॉक करो.! इशितच्या शैलीने रंगला कार्यक्रम :
गेल्या गुरुवारी प्रसारित झालेल्या एपिसोडमध्ये इशितने बच्चनजींना वारंवार थांबवत म्हणाले, “अरे, लॉक करो!” तो अनेकदा प्रश्न पूर्ण ऐकण्याआधीच उत्तर द्यायचा प्रयत्न करत होता. त्याच्या या उत्साही शैलीमुळे मंचावर हास्याचे वातावरण निर्माण झाले, मात्र काही क्षणी अस्वस्थता जाणवली. शेवटी चुकीचं उत्तर दिल्यानंतर इशितचा खेळ तिथेच थांबला आणि त्याला कोणतीही रक्कम जिंकता आली नाही.

सोशल मीडियावर चर्चा दोन गटांत विभागली :
व्हिडिओ व्हायरल झाल्यानंतर सोशल मीडियावर दोन भिन्न मते उमटली. काहींनी इशितला “ओव्हरकॉन्फिडंट” आणि “अविनीत” म्हटलं, तर इतरांनी त्याचं वर्णन “आजच्या पिढीचा आत्मविश्वास” आणि “बालपणाची निरागसता” असं केलं.