Uday Samant : काल अजित पवार यांच्या राष्ट्रवादी काँग्रेस पक्षात एक मोठी घडामोड घडली. तब्बल १४ वर्ष पक्षात काम केलेले प्रवक्ते आणि सरचिटणीस आनंद परांजपे यांनी पक्षाला रामराम केला. त्यांनी पक्षाच्या सर्व पदांचा राजीनामा दिला आणि त्यानंतर शिवसेना (शिंदे) यांच्या पक्षात अर्थात स्वगृही प्रवेश केला. त्यांच्या पक्ष प्रवेशानंतर शिवसेनकडून राष्ट्रवादी काँग्रेसला डॅमेज करण्याचा प्रयत्न सुरू झाला असल्याची चर्चा रंगली आहे. तसेच विधानपरिषदेवर जाण्यासाठी आनंद परांजपे इच्छूक होते, पण पक्षाने संधी न दिल्याने ते नाराज होते, त्यामुळेच त्यांनी पक्षाला सोडचिठ्ठी दिली, असेही बोलले जात आहे. राष्ट्रवादीच्या फुटीनंतर आनंद परांजपे यांनी अजित पवार यांच्यासोबत राहण्याचा निर्णय घेतला. ठाणे जिल्ह्यात पक्ष वाढीसाठी त्यांचे योगदान मोठे आहे. असा हा नेता शिवसेनेत गेल्याने राष्ट्रवादीसाठी मोठा धक्का मानला जात आहे. Uday Samant आनंद परांजपे यांच्या पक्ष प्रवेशाआधी नेमकं काय काय घडलं? याविषयीचा खुलासा शिवसेना नेते मंत्री उदय सामंत यांनी केला आहे. Uday Samant :शरद पवार गटात जाणार होते आनंद परांजपे? सामंतांनी सांगितली पडद्यामागची गोष्ट “काल त्यांनी (आनंद परांजपे) राजीनामा दिल्यानंतर आमच्या मनामध्ये एक शंका निर्माण झाली की ते महाविकास आघाडीत जाऊ नयेत यासाठी स्वतः श्रीकांत शिंदे यांनी प्रयत्न केले. मी स्वत: देखील आनंद परांजपेंसोबत बोललो आणि हे करत असताना पक्ष प्रमुख एकनाथ शिंदे साहेबांनी देखील सुनेत्रा वहिंनीशी बोलण्याचा प्रयत्न केला. गैरसमज नको म्हणून, सुनेत्रा पवार, सुनील तटकरे आणि पार्थ पवार या तिघांसोबतही चर्चा केली असल्याचा खुलासा सामंत यांनी केला. परांजपे यांचा पक्ष प्रवेश करून राष्ट्रवादीला शिवसेनेकडून डॅमेज करण्याचा प्रयत्न केल्याची चर्चा रंगली. यावर भाष्य करताना सामंत म्हणाले, राष्ट्रवादी काँग्रेस पार्टी हा आमचा मित्र पक्ष आहे. अजितदादांबद्दल आम्हाला सगळ्यांना नितांत आदर आहे आणि तोच आदर आदरणीय सुनेत्रा वहिनींबद्दल असल्याचे त्यांनी स्पष्ट केले. शरद पवार गटात जाणार होते आनंद परांजपे? (Uday Samant) आनंद परांजपे यांनी राष्ट्रवादी काँग्रेस पक्षातील सर्व पदांचा राजीनामा दिल्यानंतर त्यांना शरद पवार गटातील काही नेत्यांकडून बोलण्याचा कल होता, म्हणून श्रीकांत शिंदे साहेबांनी त्यांना विनंती केली ती त्यांनी मान्य केली, असा खुलासाही उदय सामंत यांनी केला. हेही वाचा : NEET 2026: नीट परीक्षेची नवीन तारीख जाहीर ; पेपर फुटीनंतर NTA चा मोठा निर्णय, वाचा कधी होणार फेरपरीक्षा ? https://www.dainikprabhat.com/neet-2026ne