Walmik Karad-Jyoti Jadhav । बीड प्रकरणात अटकेत असलेल्या वाल्मिक कराड यांच्या प्रतापचे रोज नवे प्रकरण समोर येत आहे. त्यामुळे त्याच्या समोरील अडचणी आणखी वाढताना दिसत आहेत. त्यातच आज त्याला  व्हिसीद्वारे बीड जिल्हा न्यायालयात हजर करण्याची शक्यता आहे. वाल्मिक कराडच्या पोलीस कस्टडीसंदर्भात आज सुनावणी होण्याचा अंदाज वर्तवला जात आहे.

50 एकर जमीनीच्या खरेदीचाही आरोप Walmik Karad-Jyoti Jadhav ।

वाल्मिक कराडची दुसरी पत्नी ज्योती जाधव हिच्या नावावर बीडच्या मांजरसुंबा परिसरात 9 एकर जमीन असल्याची मोठी माहिती समोर येत आहे. एवढे नाही तर या परिसराच्या आजूबाजूला असणाऱ्या 50 एकर जमीनीच्या खरेदीचाही आरोप त्याच्यावर करण्यात येत आहे. मांजरसुंबा येथील शेतकरी मुकेश रसाळ यांनी आरोप केला की, ज्योती जाधव यांच्या नावाने बीडच्या मांजरसुंबा येथे 9 एकर जमीन आहे. या जमिनीवर आलिशान रिसॉर्ट उभारण्याची तयारी सुरू होती. सध्या ते काम थांबले असले तरी या परिसरात 50 एकर जमीन खरेदी करण्याचा आरोप मुकेश रसाळ यांनी केला आहे.

याविषयी बोलताना शेतकरी मुकेश रसाळ यांनी,”ज्योती जाधव यांनी आमच्या शेतातील मुरुम उपसा करून स्वतःच्या शेतात भरला. जमीन खरेदी केल्यापासूनच हे लोक आम्हाला त्रास देत आहेत. शेतकऱ्यांनी जुलै 2024 मध्ये प्रशासनाकडे तक्रार दिली आहे. मात्र अद्याप कोणतीही ठोस कारवाई झालेली नाही, असा आरोपही मुकेश रसाळ यांनी केली.

ज्योती जाधवच्या मुलांच्या नावावरही कोट्यवधींची संपत्ती 
ज्योती मंगल जाधवला वाल्मिक कराडपासून दोन मुले देखील असून त्यांच्या नावे देखील काही संपत्ती खरेदी केल्याचे समोर आले आहे. पुण्यातील हडपसरमधील एमेनोरा पार्क टाऊनशीपमध्ये सेक्टर आर 21, टॉवर 33, 17 वा मजल्यावर 7 नंबरचा एक फ्लॅट, तर आर 21, टॉवर 33, 8 नंबरचा दुसरा फ्लॅट आणि Gera Greensville , फ्लॅट नंबर A 3 , खराडी हा आणखी एक फ्लॅट ज्योती मंगल जाधवच्या नावावर असल्याचे समोर आले आहे.

भाजपच्या माजी नगरसेवकाची चौकशी Walmik Karad-Jyoti Jadhav ।
वाल्मिक कराडचे पुण्यातील फर्गुसन महाविद्यालयाच्या समोर उभारत असलेल्या इमारतीत दुसरी पत्नी ज्योती मंगल जाधवच्या नावे दोन ऑफीस स्पेसेस खरेदी केलीत. हा व्यवहार दत्ता खाडेंच्या मध्यस्थिने झाल्याचा सीआयडीला संशल आहे. दत्ता खाडे गोपीनाथ मुंडेंपासून वाल्मिक कराडला ओळखतात. त्यामुळे सीआयडीने चौकशीसाठी बोलावल्याचे सांगण्यात येत आहे.