#Wari2019 : वाखरीतील रिंगण सोहळ्यासाठी वारकर्‍यांची उत्सुकता शिगेला
वाखरी – मंगळवारी संत ज्ञानेश्वर महाराज पालखी सोहळ्याचे ठाकुरबुवा समाधीजवळ गोल रिंगण आणि संत तुकाराम महाराज पालखी सोहळ्याचा उडीचा खेळ भक्तिमय वातावरणात पार पडला़ सायंकाळी टप्पा येथे संत ज्ञानदेव व संत सोपानदेव या बंधूंची भेट झाली. त्यानंतर या दोन्ही पालख्या पंढरपूर तालुक्यातील पहिल्या मुक्कामासाठी भंडीशेगाव येथे विसावल्या.
बुधवारी संतश्रेष्ठ ज्ञानेश्वर महाराज पालखी सोहळा भंडीशेगावहून निघून बाजीराव विहीर येथे पोहचला आहे. याठिकाणी आज पालखी सोहळ्यातील उभे रिंगण पार पडणार आहे. तर पिराचीकुरोली येथून वाखरीत पोहचल्यावर संत तुकाराम महाराज पालखी सोहळ्याचे बाजीराव विहीर येथे गोल रिंगण होणार आहे़
दरम्यान, वाखरी येथे पाऊस सुरू झाला असून भर पावसात वारकरी रिंगण सोहळा बघण्यासाठी उभे असून वारकऱ्यांची उत्सुकता शिगेला पोहचली आहे.
https://www.facebook.com/edainikprabhat/videos/206231296968620/
