Wagholi : व्हीटीपी टाउनशिपमधील सर्कल क्रमांक ४ येथे सुरक्षा रक्षकाला लोखंडी हत्यार आणि लाकडी दांडक्याने मारहाण केल्याप्रकरणी वाघोली पोलिसांनी दोन तरुणांना अटक केली आहे.

आर्यन चरणसिंग गौड आणि कार्तिक वीरसेन नागपुरे अशी आरोपींची नावे आहेत. सुरक्षा पर्यवेक्षक विवेकानंद गुंडेकर हे सहकाऱ्यांसोबत शेकोटीजवळ बसले होते. त्यावेळी दोघे मोटारसायकलवरून तेथे आले. आरडाओरड केल्याने सुरक्षा रक्षकांनी त्यांना शांत राहण्यास सांगितले. यावरून वाद झाला.

आरोपानुसार, आर्यनने लोखंडी चाकूसदृश हत्याराने गुंडेकर यांच्या डोक्यावर वार केला, तर कार्तिकने लाकडी दांडक्याने त्यांच्या पाठीवर मारहाण केली. जखमी गुंडेकर यांनी ससून रुग्णालयात उपचार घेतल्यानंतर पोलिसांत तक्रार दिली.