Volkswagen Plan For Norway: फॉक्सवॅगन या वर्षाच्या अखेरीस नॉर्वेमध्ये अंतर्गत ज्वलन इंजिन (ICE) वाहनांची विक्री थांबवेल. म्हणजेच पुढील वर्षापासून कंपनी नॉर्वेमध्ये पेट्रोल किंवा डिझेल कार विकणार नाही. ही कंपनी आता फक्त इलेक्ट्रिक वाहने (EVs) विकेल. नॉर्वेमधील फोक्सवॅगनची आयातदार – मोलर मोबिलिटी ग्रुपने याबाबतची माहिती दिली आहे. फॉक्सवॅगन या वर्षी डिसेंबरमध्ये नॉर्वेमध्ये आपल्या शेवटच्या ICE कार विकेल आणि नंतर त्या कारचे उत्पादन बंद करेल. डिसेंबर 2023 पर्यंत सर्व ICE कार ऑर्डर पूर्ण करण्याची कंपनीची योजना आहे. त्यानंतर, ब्रँड फक्त त्याचे इलेक्ट्रिक मॉडेल्स विकेल.

अधिकृत विधान –

या निर्णयाचे स्पष्टीकरण देताना फोक्सवॅगनचे आयातदार हॅराल्ड ए. मोलर एएस चे व्यवस्थापकीय संचालक Ulf Tore Heckenby म्हणाले: “आमच्या पोर्टफोलिओमधून मॉडेल आयकॉन काढून टाकणे विचित्र वाटू शकते परंतु कालांतराने ही महत्त्वाकांक्षी आणि महत्त्वाची गुंतवणूक आहे. त्याचा उद्देश बदलांना पुढे नेण्याचा आहे जे आम्हाला खूप महत्वाचे वाटते.”

इलेक्ट्रिक वाहनांमध्ये नॉर्वे आघाडीवर –

इलेक्ट्रिक वाहने (EVs) वापरण्यात नॉर्वे जगात आघाडीवर आहे. देशातील 20% पेक्षा जास्त प्रवासी वाहने येथे आधीच ईव्ही आहेत आणि नवीन वाहनांच्या विक्रीत सुमारे 84% हिस्सा ईव्हीचा आहे. नॉर्वेजियन रोड फेडरेशनच्या मते, प्लग-इन हायब्रिड जोडल्यावर हा आकडा 90% पर्यंत पोहोचतो.

नॉर्वेजियन सरकारची योजना –

रिपोर्ट्सनुसार, नॉर्वेजियन सरकार 2025 पर्यंत सर्व ICE वाहनांवर बंदी घालण्याची योजना आखत आहे. असे करणारा हा जगातील पहिला देश असेल. मात्र, फॉक्सवॅगनने या वर्षभरापूर्वीच देशात आयसीई वाहनांची विक्री बंद करण्याचा निर्णय घेतला होता.