Virat Kohli Record : विराट कोहलीचा विश्वविक्रम; रिकी पॉन्टिंगला मागे टाकत न्यूझीलंडविरुद्ध रचला इतिहास, बनला जगातील नंबर १ फलंदाज
Virat Kohli Record : विराट कोहलीने न्यूझीलंडविरुद्धच्या दुसऱ्या एकदिवसीय सामन्यात एक मोठा विक्रम रचला आहे. यासह त्याने रिकी पॉन्टिंगचा विक्रम मोडला.
Virat Kohli Breaks Ricky Ponting Record Most ODI Runs Against New Zealand : भारतीय क्रिकेट संघाचा स्टार फलंदाज आणि ‘रन मशिन’ विराट कोहलीने न्यूझीलंडविरुद्धच्या दुसऱ्या एकदिवसीय सामन्यात एक मोठा जागतिक विक्रम आपल्या नावावर केला आहे. वेलिंग्टन येथे झालेल्या या सामन्यात विराट मोठी खेळी करू शकला नसला आणि अवघ्या ७ धावांवर बाद झाला असला, तरी या छोट्या खेळीतच त्याने ऑस्ट्रेलियाचा दिग्गज माजी कर्णधार रिकी पॉन्टिंगचा ऐतिहासिक विक्रम मोडला आहे. आता विराट कोहली एकदिवसीय क्रिकेटमध्ये न्यूझीलंडविरुद्ध सर्वाधिक धावा करणारा जगातील अव्वल फलंदाज बनला आहे.
अवघ्या एका धावेने मोडला पॉन्टिंगचा विक्रम; १९७८ धावांसह पटकावलं अव्वल स्थान
या सामन्यापूर्वी विराट कोहली आणि रिकी पॉन्टिंग हे दोघेही न्यूझीलंडविरुद्ध प्रत्येकी १९७१ धावांसह संयुक्तपणे पहिल्या स्थानावर होते. दुसऱ्या एकदिवसीय सामन्यात मैदानात उतरून पहिली धाव घेताच विराटने पॉन्टिंगला मागे टाकले. आता विराटाच्या खात्यात न्यूझीलंडविरुद्ध १९७८ धावांची नोंद झाली आहे. किवी संघाविरुद्ध सातत्याने खोऱ्याने धावा ओढणाऱ्या विराटने पुन्हा एकदा या फॉरमॅटमध्ये आपली बादशाहत सिद्ध केली आहे.
टॉप-५ फलंदाजांमध्ये भारताचे दोन दिग्गज; सचिन तिसऱ्या स्थानी
न्यूझीलंडविरुद्ध एकदिवसीय क्रिकेटमध्ये सर्वाधिक धावा करणाऱ्या जगातील अव्वल ५ फलंदाजांमध्ये दोन भारतीय दिग्गजांचा समावेश आहे. या एलिट यादीत विराट कोहली १९७८ धावांसह पहिल्या, तर रिकी पाँटिंग १९७१ धावांसह दुसऱ्या क्रमांकावर आहे. भारताचे महान फलंदाज सचिन तेंडुलकर १७५० धावांसह तिसऱ्या स्थानावर विराजमान आहेत. यानंतर श्रीलंकेचा माजी यष्टीरक्षक कुमार संगकारा १५६८ धावांसह चौथ्या आणि सनथ जयसूर्या १५१९ धावांसह पाचव्या क्रमांकावर आहेत.
Record broken in Wellington! 🇮🇳 Virat Kohli has gone past Ricky Ponting to become the highest run-scorer against New Zealand in ODI cricket. Kohli entered the match needing one run after equalling Ponting with 74 in the series opener. #ViratKohli…
https://t.co/E6kyoeGRsi https://t.co/V2HS57h0S5— Sports Line News | Sports Directory (@sportslinenews9) November 7, 2026
भारतीय गोलंदाजांचा कहर; न्यूझीलंडचा डाव १३४ धावांत गारद
तत्पूर्वी, नाणेफेक जिंकून प्रथम गोलंदाजी करताना भारतीय गोलंदाजांनी वेलिंग्टनच्या मैदानात अप्रतिम मारा केला. पावसाच्या व्यत्ययामुळे ४७-४७ षटकांच्या करण्यात आलेल्या या सामन्यात किवी फलंदाजांची अक्षरशः दाणादाण उडाली. भारतीय गोलंदाजांच्या शिस्तबद्ध माऱ्यासमोर न्यूझीलंडचा संपूर्ण संघ ४१ षटकांत अवघ्या १३४ धावांवर गारद झाला होता, ज्यामुळे भारतासाठी विजयाचा मार्ग सुकर झाला.
विराट ७ धावांवर बाद; जेकब डफीने घेतली विकेट
दुसऱ्या सामन्यात भारताला विजयासाठी १३५ धावांचे सोपे आव्हान मिळाले होते. या लक्ष्याचा पाठलाग करताना विराट कोहली ७ चेंडूंत ७ धावा करून बाद झाला; वेगवान गोलंदाज जेकब डफीने त्याला माघारी धाडले. दुसरीकडे, कर्णधार शुबमन गिल पहिल्याच चेंडूवर खातेही न उघडता गोल्डन डकचा बळी ठरला. सलामीची फळी लवकर बाद झाल्याने भारतीय संघावर सुरुवातीला दबाव निर्माण झाला होता. मात्र, केएल राहुलच्या संयमी फलंदाजीच्या जोरावर भारताने डकवर्थ लुईस नियमानुसार न्यूझीलंडवर ४ धावांनी मात करत मालिकेत २-० ने भक्कम आघाडी घेतली.
