Virat Kohli & Anushka Sharma : टीम इंडियाच्या विजयी परेडनंतर विराट कोहली मुंबईहून थेट लंडनला गेला होता. कोहलीची पत्नी अनुष्का शर्मा आणि अकाय-वामिका लंडनमध्ये आहेत. मुलाच्या जन्मापासून अनुष्का तिथेच राहते. आता एक धक्कादायक बातमी समोर आली आहे. कोहली आणि अनुष्का भारत सोडून कायमचे लंडनला शिफ्ट झाल्याचा दावा केला जात आहे. यासंबंधीच्या अनेक पोस्ट सोशल मीडियावर शेअर करण्यात आल्या आहेत. मात्र या दाव्यावर कोणतेही वक्तव्य पुढे आलेले नाही.

वास्तविक, कोहली आणि अनुष्काबाबत सोशल मीडियावर अनेक चर्चांना उधाण आले आहे. दोघेही लंडनला शिफ्ट झाल्याचा दावा एका पोस्टमध्ये करण्यात आला आहे. मात्र यावर विराट किंवा अनुष्काकडून कोणतीही प्रतिक्रिया आलेली नाही. टीम इंडिया चॅम्पियन झाल्यानंतर विराट दिल्लीला आला होता. येथे पंतप्रधान नरेंद्र मोदी यांची भेट घेतल्यानंतर तो मुंबईला रवाना झाला. येथे विजय परेडमध्ये सहभागी झाल्यानंतर विराट थेट लंडनला गेला.

विराट-अनुष्काने लंडनमध्ये घर घेतले आहे का?

विराट कोहलीची खूप संपत्ती आहे. त्यांची दिल्ली आणि मुंबईत घरे आहेत. रिपोर्ट्सनुसार, कोहलीने अलीबागमध्ये नुकताच 10 कोटी रुपयांचा बंगला खरेदी केला होता. आता सोशल मीडियावर दावा केला जात आहे की, विराट-अनुष्काने लंडनमध्ये घर विकत घेतले आहे.

Most rich people only stay in India to make money

Keeping Indian citizenship with a long term residence permit abroad is also an ideal option

India is unliveable if your priority is quality life, clean environment and safety for you and your children pic.twitter.com/JMsrShLfA7

— Ravi Kant 🛞 (@Ravi3pathi) July 6, 2024

लंडनमध्ये बराच वेळ घालवत आहेत कोहली-अनुष्का…

अनुष्का बऱ्याच दिवसांपासून लंडनमध्ये आहे. अकायचा जन्म होण्यापूर्वीच ती तिकडे निघून गेली होती. अकायचा जन्म लंडनमध्येच झाल्याचा दावा केला जात आहे. अकायच्या जन्मामुळे टीम इंडियातून ब्रेक घेऊन कोहली लंडनला गेला होता. महत्त्वाची बाब म्हणजे अनुष्का गेल्या अनेक महिन्यांपासून तिथे राहत आहे आणि त्यांनी तिकडे घरही खरेदी केले आहे असा दावा केला जात आहे. मात्र यात किती तथ्य आहे याची पुष्टी झालेली नसली तरी अनुष्का बऱ्याच दिवसांपासून लंडनमध्ये आहे हे मात्र खरे आहे.