Virat Anushka Dance Video IPL 2026 Celebration : आयपीएल २०२६ च्या खिताबी लढतीत गुजरात टायटन्सचा ५ गडी राखून पराभव करत आरसबीने सलग दुसऱ्यांदा ट्रॉफीवर आपले नाव कोरले आहे. ३१ मे रोजी अहमदाबादच्या नरेंद्र मोदी स्टेडियमवर झालेल्या या सामन्यात ‘किंग’ विराट कोहली आरसीबीच्या ऐतिहासिक विजयाचा खरा हिरो ठरला. त्याने सलामीला येत नाबाद ७५ धावांची वादळी खेळी खेळली आणि संघाला चॅम्पियन बनवूनच मैदानाबाहेर परतला. या ऐतिहासिक विजयानंतर विराट कोहलीचा हॉटेलमधील मनसोक्त डान्स करतानाचा एक व्हिडिओ सोशल मीडियावर तुफान व्हायरल होत असून त्याने सर्वांचे लक्ष वेधून घेतले आहे.

विराट-अनुष्काचा डान्स फ्लोअरवर रोमान्स आणि कृणाल पंड्यासोबत धिंगाणा!

आरसीबीने अधिकृत सोशल मीडिया अकाउंटवर टीम हॉटेलमधील सेलिब्रेशनचा एक अतिशय सुंदर व्हिडिओ शेअर केला आहे. ट्रॉफी जिंकल्यानंतर जेव्हा खेळाडू ढोलांच्या गजरात हॉटेलमध्ये पोहोचले, तेव्हा त्यांचे जंगी स्वागत करण्यात आले. यावेळी ऑलराउंडर क्रुणाल पंड्याने हातात आयपीएल ट्रॉफी घेऊन सर्वात आधी नाचायला सुरुवात केली. त्याला पाहताच विराट कोहली स्वतःला रोखू शकला नाही आणि तोही कृणालसोबत ढोलाच्या तालावर थिरकला.

𝗞𝗶𝗻𝗴 𝗞𝗼𝗵𝗹𝗶’𝘀 𝗺𝗮𝘀𝘁𝗲𝗿𝗰𝗹𝗮𝘀𝘀 𝗼𝗻 𝘁𝗵𝗲 𝗱𝗮𝗻𝗰𝗲 𝗳𝗹𝗼𝗼𝗿 😉

Pure vibes. Wholesome. And so much more. Anushka Sharma, thank you for being our Day 1. ❤️ pic.twitter.com/7Qmxxv6QtG

— Royal Challengers Bengaluru (@RCBTweets) June 1, 2026

यानंतर हॉटेलच्या आत झालेल्या मुख्य सेलिब्रेशन पार्टीमध्ये विराट कोहली त्याची पत्नी अनुष्का शर्मासोबत डान्स फ्लोअरवर उतरला. आरसीबीचा विजय साजरा करताना हे स्टार कपल एकमेकांच्या प्रेमात बुडून डान्स करत होते. यावेळी विराटच्या एकापेक्षा एक डान्स स्टेप्स पाहून तिथे उपस्थित असलेले सर्वजण त्याचे व्हिडिओ शूट करत होते.

Celebration rukenge nahi ft. Krunal Pandya. 🕺🤭😂 pic.twitter.com/s6RgvHdxaR

— Royal Challengers Bengaluru (@RCBTweets) May 31, 2026

पायातील क्रॅम्प्स विसरून कार्तिकसोबत केला ‘नाटू नाटू’ डान्स –

Running on vibes, celebrations, and very little sleep. 😮‍💨🏆❤️ pic.twitter.com/l1v1yi38Os

— Royal Challengers Bengaluru (@RCBTweets) May 31, 2026

विशेष म्हणजे, सामन्यादरम्यान फलंदाजी करताना विराट कोहलीच्या पायात सातत्याने ‘क्रॅम्प्स’ (पाय भरणे) येत होते आणि त्याला त्रास होत होता. मात्र, विजयाच्या जल्लोषात तो हा त्रास पूर्णपणे विसरला. त्याने डान्स फ्लोअरवर आपल्या पायाला दुखापत झाल्याचे दाखवत मजेशीर स्टेप्स केल्या. इतकेच नव्हे तर, आरसीबीचे मार्गदर्शक आणि फलंदाजी प्रशिक्षक दिनेश कार्तिकच्या खांद्यावर हात ठेवून विराटने ‘नाटू नाटू’ स्टाईलमध्ये दमदार डान्स केला. विराट आणि कार्तिक डान्स करत असताना अनुष्का शर्मा हसत हसत त्यांचे फोटो आणि व्हिडीओ काढत होती.

हेही वाचा – Messi Statue Removed : मेस्सीचा ‘तो’ भव्य ७० फुटी पुतळा अचानक हटवला! कोलकात्याच्या लेक टाऊनमध्ये नक्की काय घडलं?

जर्सीवरील ‘त्या’ मेसेजने वेधले लक्ष!

Back-2️⃣-Back Champions. 🌟🌟 pic.twitter.com/E30uLOpCwT

— Royal Challengers Bengaluru (@RCBTweets) May 31, 2026

या ऐतिहासिक पार्टसाठी आरसीबीच्या संपूर्ण संघाने एक खास ‘चॅम्पियन्स जर्सी’ परिधान केली होती. या जर्सीच्या मागच्या बाजूला “one felt nice, we did it twice” (एकदा छान वाटलं, आम्ही ते दोनदा करून दाखवलं) असा एक अतिशय बोलका आणि गर्भित मेसेज लिहिला होता. सध्यातरी विराटचा हा बिनधास्त आणि आनंदी अंदाज फॅन्सच्या मनाला चांगलाच भुरळ पाडत आहे.