विजय सेतुपतीचा महाराजा हा चित्रपट सध्या खूप चर्चेत आहे. तामिळनाडूमधील सर्वात हिट चित्रपटांपैकी एक म्हणून या चित्रपटाची गणना केली जाते. चित्रपट रिलीज झाल्यापासून, चित्रपटाने प्रेक्षक आणि समीक्षकांना भुरळ घातली आहे. 3 आठवड्यांपेक्षा कमी कालावधीत या चित्रपटाने 100 कोटींपेक्षा जास्त कमाई केली आहे. अभिनेता विजय सेतुपती या चित्रपटात महत्वाच्या भूमिकेत आहे.

बॉक्स ऑफिस गाजवल्यानंतर OTT वरही प्रेक्षकांचा आवडता ठरला आहे. हा चित्रपट आधी चित्रपटगृहात रीलिज झाला होता. मात्र, आता हा चित्रपट नेटफ्लिक्सवर प्रेक्षकांच्या भेटीला आला आहे. ट्रेंडिग चित्रपटांच्या यादीमध्ये हा चित्रपट टॉप 5 मध्ये आहे.

महाराजाचा हिंदी रिमेक येणार
महाराजा हा चित्रपट पुन्हा एकदा हिंदी बॉलीवूड रिमेकसह प्रेक्षकांना आकर्षित करेल. हिंदी रिमेकचे हक्क आमिर खानच्या प्रॉडक्शन हाऊस आमिर खान प्रॉडक्शनने सुरक्षित केले आहेत. असा विश्वास आहे की,आमिर खान या बॉलीवुड थ्रिलरमध्ये आपला अनोखा ट्विस्ट जोडेल आणि एक आकर्षक चित्रपट बनवेल. आमिर खान केवळ या चित्रपटाची निर्मितीच नाही तर VJS ची भूमिकाही साकारणार असल्याचं म्हटलं जात आहे.

महाराजाने बॉक्स ऑफिसवर केली एवढी कमाई
विजय सेतुपतीचा महाराजा हा 50 वा चित्रपट आहे. तामिळनाडूमधील सर्वात हिट चित्रपटांपैकी एक महाराजा एक आहे. नेटफ्लिक्सवर आपली लोकप्रियता कायम ठेवत या चित्रपटाने आणखी एक कामगिरी केली आहे. प्रेक्षकांचा प्रतिसाद बघता पुढील काही दिवस हा चित्रपट ट्रेंडिंगमध्ये राहण्याची शक्यता आहे. या चित्रपटाने 71.26 कोटींची कमाई केली आहे. जागतिक स्तरावर या चित्रपटाने 104.84 कोटींची कमाई केली आहे.