Vidhan Parishad Election : राज्यातील आगामी विधान परिषद निवडणुकीच्या (Vidhan Parishad Election) पार्श्वभूमीवर राजकीय वर्तुळातून एक अत्यंत मोठी बातमी समोर येत आहे.

महायुतीमध्ये जागावाटपाची चर्चा आणि वाटाघाटींचे गुऱ्हाळ सुरू असतानाच, भारतीय जनता पक्षाने मित्रपक्षांची वाट न पाहता आपल्या पहिल्या उमेदवाराच्या नावाची घोषणा (Vidhan Parishad Election) करून आघाडी घेतली आहे. अमरावती विधान परिषद मतदारसंघासाठी भाजपकडून प्रवीण पोटे पाटील यांना उमेदवारी जाहीर करण्यात आली आहे.

सध्या महायुतीमध्ये विधान परिषदेच्या जागावाटपावरून शिवसेना आणि भाजप या दोन्ही प्रमुख पक्षांमध्ये जोरदार रस्सीखेच (Vidhan Parishad Election) सुरू असल्याचे पाहायला मिळत आहे.

काही जागांवर दोन्ही पक्षांनी आपला पारंपरिक आणि मजबूत दावा ठोकल्यामुळे जागावाटपाचा तिढा अद्याप सुटू शकलेला नाही. जागांचा हा तिढा सोडवण्यासाठी महायुतीच्या वरिष्ठ नेत्यांमध्ये बैठकांचे सत्र सुरू असून जागावाटपाचे अंतिम सूत्र ठरवण्याचे प्रयत्न सुरू आहेत.

असे असले तरी, भाजपने अमरावती या आपल्या हक्काच्या जागेवर विद्यमान परिस्थितीचा विचार करून थेट उमेदवाराची घोषणा केली आहे. प्रवीण पोटे पाटील यांना पुन्हा एकदा रिंगणात उतरवून भाजपने अमरावतीमध्ये आपल्या प्रचाराला सुरुवात केली आहे. राज्याचे महसूलमंत्री व अमरावतीचे पालकमंत्री चंद्रशेखर बावनकुळे यांच्या उपस्थितीत ते उद्या दुपारी १.४५ वाजता आपला उमेदवारी अर्ज दाखल करणार आहेत.

महायुतीमधील इतर जागांचा तिढा अद्याप कायम असताना भाजपने घेतलेल्या या धाडसी निर्णयामुळे (Vidhan Parishad Election) राजकीय वर्तुळात आता इतर जागांवर कोणाला संधी मिळणार, याविषयीची उत्सुकता कमालीची वाढली आहे.