भाजपकडून विधानपरिषदेसाठी 3 नावं जाहीर ; संदीप जोशी, दादाराव केचे, संजय केनेकर यांची आमदारपदी लागणार वर्णी
Vidhan Parishad Election 2025 । राज्यातील विधानपरिषदेच्या पोटनिवडणुकीसाठी भाजपकडून नावे जाहीर करण्यात आली आहे. विधान परिषदेच्या पाच जागांसाठी पोटनिवडणूक होणार आहे. यात भाजप सर्वाधिक तीन जागा लढवणार आहे. भाजपच्या केंद्रीय कार्यालयाकडून आज विधान परिषदेसाठी तीन उमेदवारांची नाव जाहीर करण्यात आली आहेत. यामध्ये संदीप जोशी, संजय केनेकर आणि दादाराव केचे यांच्या नावाचा समावेश आहे.
पाचपैकी ३ जागा भाजपच्या वाट्याला Vidhan Parishad Election 2025 ।
विधानपरिषदेच्या रिक्त झालेल्या एकूण 5 जागांपैकी 3 जागा भाजपच्या कोट्यात तर शिवसेना आणि राष्ट्रवादी काँग्रेसकडे प्रत्येकी एक जागा आहे. उद्या उमेदवारी अर्ज दाखल करण्याचा शेवटचा दिवस आहे. त्यापूर्वी आज भाजपकडून तीन उमेदवारांची नावे निश्चित करण्यात आली आहेत.
संदीप जोशी हे नागपूरमधून येतात. ते मुख्यमंत्री देवेंद्र फडणवीस यांचे निकटवर्तीय मानले जातात. संजय केनेकर हे छत्रपती संभाजीनगरमधून येतात. त्यांनी पक्षाचे महामंत्री म्हणून उत्तम काम केले आहे. दादाराव केचे यांना विधानसभेच्यावेळी तिकीट नाकारण्यात आले होते. म्हणून त्यांची आता विधान परिषदेवर वर्णी लागली आहे. संदीप जोशी हे नागपूरचे माजी महापौर आहेत. संजय केनेकर हे पक्षाचा ओबीसी चेहरा आहेत. दादाराव केचे हे आर्वीचे माजी आमदार आहेत.
भाजपने समतोल साधला का? Vidhan Parishad Election 2025 ।
संजय केनेकर यांनी बूथ लेव्हलपासून पक्षासाठी काम केले आहे. त्यांच्या कामाची दखल घेऊन त्यांना महामंत्री पद देण्यात आले होते. केनेकर यांच्यासारख्या बूथ लेव्हलपासून काम करणाऱ्या कार्यकर्त्याला आमदारकी मिळणं हा त्यांचा एकप्रकारे सन्मान आहे. दादाराव केचे हे आर्वीचे माजी आमदार आहेत. सुमीत वानखेडे हे जे देवेंद्र फडणवीस यांचे ओएसडी होते. त्यांना उमेदवारी दिली होती. त्यावेळी दादाराव केचे यांना पक्षाकडून कुठतेरी थांबण्याचे निर्देश देताना विधान परिषदेचा शब्द देण्या आला असल्याची चर्चा रंगली होती. त्यामुळे आता भाजपने विधान परिषदेची उमेदवारी जाहीर करताना कुठेतरी समतोल साधला असल्याचे म्हटले जात आहे.
