sunny deol : बॉलिवूड अभिनेता सनी देओल सध्या पूर्ण फॉर्ममध्ये आहे. एकीकडे ‘जाट’ सिनेमाची चर्चा आहे तर दुसरीकडे सनी देओल त्याच्या पुढच्या चित्रपटाच्या शूटिंगसाठी डेहराडूनला पोहोचला आहे. सनी देओलने अलीकडेच त्याच्या इंस्टाग्राम अकाउंटवरून ‘बॉर्डर-२’ च्या शूटिंगसाठी डेहराडूनला पोहोचल्याची माहिती दिली.

आता २ मे रोजी दिल्ली-एनसीआरमध्ये मुसळधार पाऊस पडत असताना, सनी देओल देखील डेहराडूनमध्ये पावसाचा आनंद घेताना दिसला. सनीने त्याच्या इंस्टाग्राम अकाउंटच्या स्टोरी सेक्शनमध्ये दोन व्हिडिओ शेअर केले आहेत.

From #Border2 sets pic.twitter.com/Mm2DgEw02o

— Abhishek (@vicharabhio) May 2, 2025

एका व्हिडिओमध्ये सनी देओल त्याच्या टीमसोबत चहा पीत असल्याचे दिसत आहे. सनी म्हणत आहे की,’ या पावसामुळे निर्माते थोडे चिंतेत आहेत पण मी त्यांना सांगितले आहे की चित्रपट पूर्ण होईपर्यंत मी त्यांच्यासोबत आहे.

यानंतर, दुसऱ्या व्हिडिओमध्ये सनी पावसाचा इतका आनंद का घेत आहे हे दिसून येते. खरंतर, तंबूत सनीसाठी गरमागरम पकोड्यांचीही व्यवस्था आहे. टीमचा शेफ तिथे ताजे पकोडे बनवत आहे आणि सर्वजण पावसात चहा आणि पकोड्यांचा आस्वाद घेत आहेत.

अभिनेत्याचा हा व्हिडिओ सोशल मीडियावर व्हायरल होत असून फॅन्स देखील कमेंट आणि लाईक्सचा पाऊस पाडत आहेत. सनी देओलचे इंस्टाग्रामवर लाखोंच्या घरात फॉलोवर्स आहेत.

‘जाट’ आणि ‘बॉर्डर-२’ व्यतिरिक्त आणखी काय खास आहे?

‘जाट’ बद्दल बोलायचे झाले तर, हा चित्रपट १० एप्रिल रोजी थिएटरमध्ये प्रदर्शित झाला आणि १०० कोटींचा टप्पा ओलांडला. या चित्रपटाला चाहत्यांकडून खूप चांगला प्रतिसाद मिळाला.

आता सर्वांच्या नजरा ‘बॉर्डर-२’ वर आहेत आणि याशिवाय सनीकडे ‘लाहोर-१९४७’ देखील आहे ज्यामध्ये तो प्रीती झिंटासोबत दिसणार आहे. या चित्रपटाची कथाही भारत-पाकिस्तानच्या पार्श्वभूमीवर असेल.