चिनाब : आजकाल, वंदे भारत एक्सप्रेसचा एक व्हिडिओ सोशल मीडियावर सर्वांचे लक्ष वेधून घेत आहे, ज्यामध्ये ट्रेन सर्वात उंच रेल्वे पुलावरून जाताना दिसते. पहिल्यांदाच चिनाब पूल ओलांडताना वंदे भारत एक्सप्रेसचा हा व्हिडिओ पाहिल्यानंतर लोकांचे मन अभिमानाने भरून आले आहे. प्रेक्षक या व्हिडिओवर कमेंट करताना थकत नाहीत. हा व्हिडिओ खूप पाहिला आणि शेअर केला जात आहे.

या व्हिडिओमध्ये, वंदे भारत एक्सप्रेस चिनाब नदीवरील सर्वात मोठ्या रेल्वे पुलावरून जाताना दिसत आहे. जम्मू आणि काश्मीरमधील चिनाब नदीवर बांधलेला हा सर्वात उंच पूल बांधण्यासाठी रेल्वेला २० वर्षांहून अधिक काळ लागला. हा आयफेल टॉवरपेक्षा ३५ मीटर उंच असलेला कमानी पूल आहे, जो बांधण्यासाठी रेल्वेला १४ हजार कोटी रुपये खर्च आला. सुमारे १ हजार ३१५ मीटर लांब आणि ३५९ मीटर उंच असलेल्या या अद्भुत पुलावरून जेव्हा वंदे भारत एक्सप्रेस गेली तेव्हा ते दृश्य खरोखरच पाहण्यासारखे होते.

हा व्हिडिओ सोशल मिडीया साईटवरुन शेअर करण्यात आला आहे. व्हिडिओ शेअर करताना कॅप्शनमध्ये लिहिले आहे की, जम्मू आणि काश्मीरमधील जगातील सर्वात उंच रेल्वे पूल, चिनाब पुलावरून वंदे भारत ट्रेन गेली. १ मिनिट १५ सेकंदाचा व्हिडिओ पाहणाऱ्या एका वापरकर्त्याने लिहिले की, एका ऐतिहासिक क्षणी, वंदे भारत ट्रेनने जम्मू आणि काश्मीरच्या रियासी येथील प्रतिष्ठित चिनाब पूल ओलांडला, जो जगातील सर्वात उंच रेल्वे पूल आहे. दुसऱ्या वापरकर्त्याने लिहिले, हे खरोखरच अद्भुत दिसते. सोशल मीडियावर व्हायरल झालेल्या या व्हिडिओवर कमेंट करत काही वापरकर्ते हे दृश्य लाईव्ह अनुभवण्यासाठी तिकिटे बुक करण्याबद्दल बोलत आहेत.