Vaibhav Sooryavanshi Crying Video Viral : आयपीएल २०२६ मधील राजस्थान रॉयल्सचा झुंजार प्रवास अखेर ‘क्वालिफायर-२’ मधील पराभवाने संपुष्टात आला आहे. रियान परागच्या कप्तानीखाली खेळणाऱ्या राजस्थानला गुजरात टायटन्सकडून ७ विकेट्सने पराभव स्वीकारावा लागला. या सामन्यात सर्वांच्या नजरा राजस्थानचा वैभव सूर्यवंशीवर होत्या. वैभवने आपल्या फलंदाजीने चाहत्यांना अजिबात निराश केले नाही. परंतु गोलंदाजांच्या अपयशामुळे राजस्थानचे फायनलचे स्वप्न भंगलं. यानंतर वैभव सूर्यवंशी भावुक झाला, ज्याचा व्हिडीओ व्हायरल होत आहे.

राजस्थानच्या पराभवानंतर वैभव सूर्यवंशी भावुक –

१५ वर्षीय सलामीवीर वैभव सूर्यवंशीने या सामन्यात ४७ चेंडूचा सामा करताना ८ चौकार आणि ७ षटकाच्या मदतीने ९६ धावा चोपल्या. मात्र, पुन्हा एकदा त्याचे शतक अवघ्या चार धावांनी हुकले. त्याच्या वादळी खेळीच्या जोरावर राजस्थानने २१४ धावांचा डोंगर उभारला होता. मात्र गोलंदाजीतील अपयशामुळे राजस्थानला फायनलचं तिकीट पटकावता आलं नाही. या अनपेक्षित पराभवानंतर  वैभव सूर्यवंशी पूर्णपणे खचून गेला आणि मैदानातच त्याच्या डोळ्यातून अश्रू वाहू लागले.

डगआऊटमध्ये एकटाच बसून रडला वैभव; जडेजाने दिला धीर!

VAIBHAV SURYAVANSHI CRYING AFTER MATCH LOSS 🤯

– Feel for Vaibhav, He did everything to win for his team but God have different plans 💔 pic.twitter.com/cpjiOM4gN8

— Sam (@cricsam02) May 30, 2026

गुजरात टायटन्सने सामना जिंकताच राजस्थानचा प्रवास संपल्यामुळे वैभव मैदानातच अत्यंत भावूक झाला होता. त्याची ही अवस्था पाहून अनुभवी अष्टपैलू खेळाडू रवींद्र जडेजाने त्याच्याजवळ जात काही वेळ संवाद साधला आणि त्याला धीर देण्याचा प्रयत्न केला. जडेजाशी बोलल्यानंतर वैभवने कॅपने स्वतःचा चेहरा लपवला आणि तो थेट डगआऊटमध्ये जाऊन एकटाच बसला. पराभवाचे दुःख सहन न झाल्याने त्याच्या डोळ्यातून अश्रू टपकले, तेव्हा त्याने लगेचच तोंडावर टॉवेल धरून आपली निराशा लपवण्याचा प्रयत्न केला. काही वेळानंतर स्वतःला सावरून तो डगआऊटबाहेर आला. सामन्यानंतरच्या प्रेझेंटेशन सेरेमनीदरम्यान वैभव गुजरातचा कर्णधार शुभमन गिलसोबतही काही वेळ चर्चा करताना कॅमेऱ्यात कैद झाला.

हेही वाचा – GT vs RR Qualifier 2 : शुबमन गिलच्या शतकासह गुजरातचा ऐतिहासिक विजय! राजस्थानचा धुव्वा उडवत तिसऱ्यांदा फायलमध्ये दाखल

आयपीएल २०२६ मध्ये मोडले अनेक जागतिक विक्रम!

FEEL FOR THIS MAN…!!!! 🥺💔

– IPL 2026 will be remembered for Vaibhav Suryavanshi. pic.twitter.com/bn2HJdR686

— Tanuj (@ImTanujSingh) May 29, 2026

सामना हरला असला तरी वैभव सूर्यवंशीने यंदाच्या आयपीएलमध्ये एकट्याच्या जोरावर असे अनेक विक्रम मोडले आहेत, जे आजवर इतिहासात कोणालाही जमले नव्हते. वैभवच्या बॅटमधून यंदाच्या हंगामातील १६ सामन्यांमध्ये ४८.५० च्या सरासरीने तब्बल ७७६ धावा निघाल्या आहेत. या शानदार कामगिरीदरम्यान त्याने ६३ चौकार आणि तब्बल ७२ गगनभेदी षटकार ठोकले. आयपीएलच्या कोणत्याही एका हंगामात एखाद्या फलंदाजाने मारलेले हे आतापर्यंतचे सर्वाधिक षटकार आहेत. याशिवाय, एकाच हंगामात पॉवरप्लेमध्ये ५०० धावांचा टप्पा पार करणारा तो जगातील पहिलाच फलंदाज ठरला आहे.