Usman Khawaja Book Sabr Sandpapergate Ball Tampering Revelation : ऑस्ट्रेलियाचा माजी सलामीवीर उस्मान ख्वाजा याच्या आगामी ‘सब्र’ (Sabr) या आत्मचरित्रातील स्फोटक दाव्यांमुळे आंतरराष्ट्रीय क्रिकेट वर्तुळात प्रचंड खळबळ उडाली आहे. २०१८ मधील दक्षिण आफ्रिकेविरुद्धच्या वादग्रस्त केपटाऊन कसोटीतील ‘सँडपेपरगेट’ बॉल-टॅम्परिंग प्रकरणावर ख्वाजाने मोठा खुलासा केला आहे. बॉल-टॅम्परिंग ही केवळ २-३ खेळाडूंची चूक नसून संपूर्ण ऑस्ट्रेलियन संघाची सामूहिक चूक होती, असा थेट दावा त्याने केला.

तीन खेळाडू ठरले बळीचे बकरे; उर्वरित संघ नामानिराळा –

या खुलाशानंतर मीडियात टीकेची झोड उठताच ख्वाजाने सोशल मीडियावर व्हिडिओ जारी करत प्रसारमाध्यमांवर चुकीचा अर्थ काढल्याचा आरोप केला असून, संपूर्ण संघाने एकत्रितपणे जबाबदारी स्वीकारायला हवी होती, अशी ठाम भूमिका मांडली आहे. आपल्या व्हिडिओमध्ये ख्वाजाने स्टीव्ह स्मिथ, कॅमेरॉन बॅनक्रॉफ्ट आणि बालपणीचा मित्र डेव्हिड वॉर्नर यांचा उघडपणे बचाव केला.

२०१८ आणि २०२१ मध्ये दोनदा सत्य सांगण्याचा केला होता प्रयत्न –

‘I made a promise to my childhood friend Davey Warner that I would tell the truth.’

Usman Khawaja’s sandpapergate revelations are sparking plenty of debate but I think it’s worth watching his explanation on instagram. 👇 https://t.co/CIawBRSNPo

— Mark Gottlieb (@MarkGottlieb) November 7, 2026

ख्वाजा म्हणाला, “त्या दौऱ्यावर उपस्थित असलेल्या आम्हा खेळाडूंपैकी कोणीही पीडित नाही. खरी किंमत त्या तीन खेळाडूंनी मोजली, ज्यांनी आम्हा सर्वांची चूक स्वतःच्या शिरावर घेतली. गेल्या ८ वर्षांपासून ते जगाच्या शिव्या, संताप आणि ‘चिटर’चा शिक्का सहन करत आहेत. मी वॉर्नरला वचन दिले होते की एके दिवशी सत्य समोर आणेन जेणेकरून त्यांची बाजू जगासमोर येईल.” ख्वाजाने खुलासा केला की, २०१८ मध्ये कारवाई झाल्यानंतर त्याने तत्कालीन कर्णधार स्टीव्ह स्मिथला मीडियासमोर जाऊन वस्तुस्थिती सांगण्याची विनंती केली होती.

Retired Test cricket star Usman Khawaja has stood firm on his Sandpapergate claims, while demanding justice for David Warner, Steve Smith and Cameron Bancroft 🏏 https://t.co/BWsm2hDvN1

We launched a faster, redesigned app – with all new puzzles: https://t.co/IkewYqEUKj https://t.co/5Y0VR22l8U

— The Daily Telegraph (@dailytelegraph) November 8, 2026

मात्र, स्मिथने कर्णधार म्हणून सर्व दोष स्वतःवर घेत ख्वाजाला शांत राहण्यास सांगितले. त्यानंतर २०२१ मध्ये तत्कालीन प्रशिक्षक जस्टिन लँगर यांच्याकडे संपूर्ण संघाच्या वतीने संयुक्त निवेदन देण्याची मागणी केली होती. परंतु पॅट कमिन्स, मिचेल स्टार्क, जोश हेझलवूड आणि नॅथन लायन या गोलंदाजांच्या गटाने वेगळे निवेदन जारी करून आपल्याला बॉल-टॅम्परिंगची कल्पनाच नव्हती असे स्पष्ट केले, ज्यामुळे ख्वाजाला तेव्हा मागे हटावे लागले.

हेही वाचा – मैदानावर आज IND vs PAK महासंग्राम! सेहवाग-द्रविडच्या लेकांवर मोठी जबाबदारी; पाहा कुठे अन् कधी पाहता येणार मॅच?

पुस्तकाच्या टायमिंगवर उत्तर; ‘मित्रांना न्याय मिळवून देणे हाच हेतू’

संघात असताना ड्रेसिंग रूमचे वातावरण खराब होऊ नये म्हणूनच आपण इतकी वर्षे मौन बाळगले, असे ख्वाजाने स्पष्ट केले. केवळ पुस्तकाची विक्री वाढवण्यासाठी हे खुलासे केल्याच्या आरोपांवर त्याने सडेतोड उत्तर दिले. “जर मला प्रसिद्धी आणि पुस्तकाची विक्री हवी असती, तर नुकत्याच पार पडलेल्या दक्षिण आफ्रिका दौऱ्यादरम्यानच मी हे पुस्तक लाँच केले असते. संघाचे लक्ष विचलित होऊ नये म्हणूनच मी दौरा संपण्याची वाट पाहिली. कोणावरही आरोप करणे हा माझा हेतू नसून, माझ्या तीन सहकाऱ्यांना न्याय मिळवून देणे हेच माझे उद्दिष्ट आहे.”