US Tax Bill 2025 । अमेरिकेचे राष्ट्राध्यक्ष डोनाल्ड ट्रम्प आणि टेस्लाचे सीईओ एलॉन मस्क यांच्यातील वाद पुन्हा एकदा तीव्र झाला आहे. ट्रम्प यांनी एलॉन मस्कवर जोरदार हल्ला चढवला आहे. यावेळी बोलताना,”मस्क यांना इतर कोणत्याही व्यक्तीपेक्षा जास्त सरकारी अनुदान मिळाले आहे. त्यांनी सांगितले की,” जर ही सरकारी मदत मिळाली नसती तर मस्कला त्यांचा व्यवसाय बंद करून त्यांच्या देश दक्षिण आफ्रिकेत परतावे लागले असते.” असे म्हटले आहे. त्यांनी टेस्लाच्या टीम DOGE चाही उल्लेख करत मस्कच्या सरकारी निधी आणि करारांची चौकशी करावी असे सांगितले.

डोनाल्ड ट्रम्प यांनी त्यांच्या सोशल मीडियावर मस्क यांच्यावर जोरदार निशाणा साधला. मस्कवर टीका करताना, मस्कला इतर कोणत्याही व्यक्तीपेक्षा सर्वाधिक सरकारी अनुदान मिळाले आहे” असे त्यांनी म्हटले आहे. पुढे ते म्हणाले, “जर ही सबसिडी थांबवली तर एलॉन मस्कना त्यांच्या कंपन्या बंद कराव्या लागतील आणि दक्षिण आफ्रिकेत परत जावे लागेल. ना रॉकेट उडतील, ना उपग्रह बनवले जातील, ना इलेक्ट्रिक कार बनवल्या जातील. यामुळे देशाची मोठी बचत होईल.”असे म्हणत ट्रम्प यांनी मस्क यांच्या आर्थिक नाड्या आवळण्याचा इशारा दिला आहे.०

ट्रम्पच्या या नवीन विधेयकात काय प्रस्तावित आहे? US Tax Bill 2025 । 

ट्रम्पच्या नवीन विधेयकात इलेक्ट्रिक वाहनांवरील (EVs) $7,500 कर सूट रद्द करण्याचा प्रस्ताव आहे. जर ही सूट काढून टाकली तर ईव्ही वाहने महाग होतील. मस्क या बदलाच्या विरोधात आहेत कारण त्यामुळे त्यांची कंपनी टेस्ला आणि इतर ग्राहकांना नुकसान होईल. ट्रम्प यांनी असे उत्तर दिले की ते इलेक्ट्रिक वाहने अनिवार्य करण्याच्या धोरणाच्या आधीच विरोधात आहेत. त्यांनी याला मूर्खपणाची योजना म्हटले आणि म्हटले की, “ही जो बायडेन सरकारची चूक होती.”

ट्रम्प आणि मस्क यांच्यातील शाब्दिक युद्ध सुरूच  US Tax Bill 2025 ।

दरम्यान, ट्रम्प म्हणाले, “एलॉन मस्क यांना बऱ्याच काळापासून माहित होते की मी इलेक्ट्रिक वाहन (EV) आदेशाच्या विरोधात आहे. हे एक मूर्ख धोरण आहे. इलेक्ट्रिक कार ठीक आहेत, परंतु त्या कोणावरही लादल्या जाऊ नयेत.”असे त्यांनी म्हटले. ट्रम्प यांच्या वक्तव्यापूर्वी मस्क यांनीही तीव्र हल्लाबोल केला. त्यांनी सांगितले की अमेरिकेची नवीन $4 ट्रिलियन कर आणि खर्च योजना देशाला कर्जात बुडेल आणि जर हे विधेयक मंजूर झाले तर अमेरिका पार्टी नावाचा एक नवीन पक्ष स्थापन करण्याची धमकी दिली.