US Iran War: आखातात सुरु असणाऱ्या युद्धासाठी वाटाघाटी ही अंतिम टप्प्यात आली आहे. या वाटाघाटींमध्ये  अमेरिका आणि इराण ६० दिवसांसाठी शस्त्रसंधी वाढवण्याच्या करारावर  सहमत झाले आहेत. मात्र  या सामंजस्य कराराला अमेरिकेचे अध्यक्ष डोनाल्ड ट्रम्प यांची मंजुरी मिळणे बाकी आहे. अक्सीऑक्सच्या अहवालात याविषयीची माहिती देण्यात आली आहे.

अमेरिका-इराण करार होणार का?

एएफपी (AFP) या वृत्तसंस्थेने सूत्रांच्या हवाल्याने दावा केला आहे की, अमेरिका आणि तेहरान शस्त्रसंधी वाढवण्यास आणि इराणच्या अणुकार्यक्रमावर चर्चा सुरू करण्यास सहमत झाले आहेत. ॲक्सिऑसच्या (AXIOS) अहवालानुसार, कराराच्या मसुद्याबाबत इराणमध्ये चर्चा सुरू आहे आणि मंगळवारपर्यंत जवळपास सर्व काही अंतिम झाले होते. पंरतु, दोन्ही बाजूंच्या (इराण आणि अमेरिका) सर्वोच्च नेतृत्वाला अद्याप याला मंजुरी देणे आवश्यक आहे.

सामंजस्य कराराला ट्रम्प यांच्या मंजुरीची प्रतीक्षा US Iran War:

ॲक्सिऑसने एका अमेरिकी अधिकाऱ्याच्या हवाल्याने म्हटले आहे की, अमेरिका आणि इराण यांच्यातील प्रस्तावित सामंजस्य कराराबद्दल डोनाल्ड ट्रम्प यांना माहिती देण्यात आली असली तरी, अमेरिकेच्या अध्यक्षांनी अद्याप त्याला मंजुरी दिलेली नाही. अहवालानुसार, ट्रम्प यांनी म्हटले आहे की, त्यावर विचार करण्यासाठी त्यांना काही दिवसांची आवश्यकता आहे.

राण होर्मुझच्या सामुद्रधुनीमध्ये टोल वसूल करू शकणार नाही

या ६० दिवसांच्या युद्धविराम करारामध्ये होर्मुझच्या सामुद्रधुनीतून जहाजांच्या निर्बाध वाहतुकीचा समावेश आहे. याचा अर्थ असा की, जर करार झाला, तर इराण या महत्त्वपूर्ण सामरिक जलमार्गातून जाणाऱ्या जहाजांवर टोल वसूल करू शकणार नाही. एका अमेरिकी अधिकाऱ्याने ‘ॲक्सिऑस’ला सांगितले की, कोणीही होर्मुझच्या सामुद्रधुनीवर नियंत्रण प्रस्थापित करू शकणार नाही किंवा तिला धमकावू शकणार नाही. इराणला ३० दिवसांच्या आत या जलमार्गात पेरलेले सर्व सुरुंग काढून टाकणे देखील बंधनकारक असेल.

करारात इराणने अण्वस्त्रे विकसित न करण्याची अट समाविष्ट  US Iran War:

या करारानुसार, इराणला तेल विकण्याची परवानगी देण्यासाठी अमेरिका काही निर्बंध शिथिल करण्यासही तयार आहे. या करारामध्ये इराणने अण्वस्त्रे विकसित न करण्याची अट देखील समाविष्ट असेल. युद्धविरामादरम्यान, तेहरानचे संवर्धित युरेनियम कसे नष्ट करायचे यावर दोन्ही बाजू निर्णय घेतील. याशिवाय, इराणचा गोठवलेला निधी परत मिळवण्याचा मुद्दाही वाटाघाटींमध्ये समाविष्ट आहे.