US – Iran Talk 2nd Round: अमेरिका आणि इराणमध्ये उद्या इस्लामाबादमध्ये थेट चर्चेची दुसरी फेरी; ‘ग्रँड बार्गेन’साठी उपराष्ट्रपती जे.डी. व्हॅन्स सज्ज
US - Iran Talk 2nd Round: दोन्ही देशांमध्ये गेल्या ४९ वर्षांपासून नसलेला संवाद आता सुरू झाला आहे. दोन्ही बाजूंनी चर्चेची तयारी दर्शवली असली तरी, अनेक दशकांपासूनचा अविश्वास हा या प्रक्रियेतील सर्वात मोठा अडथळा आहे.
US – Iran Talk 2nd Round: अमेरिका आणि इराण यांच्यातील राजनैतिक संबंधांमधील तणाव निवळण्यासाठी उद्या, २१ एप्रिल रोजी पाकिस्तानची राजधानी इस्लामाबाद येथे दुसऱ्या फेरीची थेट चर्चा होणार आहे. या अत्यंत महत्त्वाच्या वाटाघाटींसाठी अमेरिकन शिष्टमंडळाचे नेतृत्व उपराष्ट्रपती जे.डी. व्हॅन्स करत असून, इराणकडून संसदेचे अध्यक्ष मोहम्मद-बाघेर गालीबाफ आणि परराष्ट्र मंत्री अब्बास अरागची उपस्थित राहणार आहेत.
ताज्या माहितीनुसार, उपराष्ट्रपती व्हॅन्स आणि अमेरिकेचे प्रतिनिधी अद्याप अमेरिकेतच असून ते लवकरच पाकिस्तानकडे रवाना होण्याची शक्यता वर्तवण्यात येत आहे.
PTI SHORTS | “‘Mistrust won’t end overnight’”: US Vice President JD Vance on US-Iran talks in Islamabad
WATCH: https://t.co/DiCJt4kAe4
Subscribe to PTI’s YouTube channel for in-depth reports, exclusive interviews, and special visual stories that take you beyond the headlines.…
— Press Trust of India (@PTI_News) April 15, 2026
या ऐतिहासिक चर्चेच्या पार्श्वभूमीवर १४ एप्रिल रोजी आपली भूमिका मांडताना जे.डी. व्हॅन्स यांनी स्पष्ट केले की, दोन्ही देशांमध्ये गेल्या ४९ वर्षांपासून नसलेला संवाद आता सुरू झाला आहे. दोन्ही बाजूंनी चर्चेची तयारी दर्शवली असली तरी, अनेक दशकांपासूनचा अविश्वास हा या प्रक्रियेतील सर्वात मोठा अडथळा आहे. हा अविश्वास एका रात्रीत संपणारा नाही, मात्र समोरासमोर बसलेले प्रतिनिधी करार करण्यासाठी उत्सुक आहेत.
जॉर्जियातील ‘टर्निंग पॉईंट यूएसए’ कार्यक्रमात बोलताना त्यांनी असेही नमूद केले की, राष्ट्राध्यक्ष डोनाल्ड ट्रम्प हे केवळ मर्यादित स्वरूपाचा करार न करता एक ‘ग्रँड बार्गेन’ (मोठा समझोता) करण्याच्या प्रयत्नात आहेत. याद्वारे इराणने आपल्या अण्वस्त्र महत्त्वाकांक्षेचा त्याग करून जागतिक अर्थव्यवस्थेत सामील व्हावे आणि त्या बदल्यात त्यांना आर्थिक समृद्धी मिळावी, असा हा प्रस्ताव असेल.
Trump:
Israel never talked me into the war with Iran, the results of Oct. 7th, added to my lifelong opinion that IRAN CAN NEVER HAVE A NUCLEAR WEAPON, did.
I watch and read the FAKE NEWS Pundits and Polls in total disbelief. 90% of what they say are lies and made up stories,… pic.twitter.com/UunCVovLYl
— Clash Report (@clashreport) April 20, 2026
डोनाल्ड ट्रम्प यांची पोस्ट –
दुसरीकडे, राष्ट्राध्यक्ष डोनाल्ड ट्रम्प यांनी २० एप्रिल रोजी ‘ट्रुथ सोशल’वर एका प्रदीर्घ पोस्टद्वारे आपली भूमिका स्पष्ट केली. इराणविरुद्ध युद्ध पुकारण्यामागे इस्रायलचा दबाव असल्याचा दावा त्यांनी पूर्णपणे फेटाळून लावला आहे. ७ ऑक्टोबर २०२३ रोजी हमासने केलेला हल्ला आणि इराणच्या वाढत्या अण्वस्त्र क्षमतेमुळे निर्माण झालेली चिंता ही या संघर्षामागची मुख्य कारणे असल्याचे त्यांनी सांगितले.
पंतप्रधान बेंजामिन नेतन्याहू किंवा अमेरिकेतील इस्रायल समर्थक गटांनी आपल्याला युद्धात ओढल्याचा दावा त्यांनी फेटाळून लावला. याच पोस्टमध्ये त्यांनी प्रसारमाध्यमांवर चुकीची माहिती पसरवल्याचा आरोप करत टीका केली, तसेच २०२० च्या अमेरिकन निवडणुकीबद्दलचे आपले जुने दावे पुन्हा एकदा अधोरेखित केले आहेत. आता संपूर्ण जगाचे लक्ष उद्या होणाऱ्या या दुसऱ्या फेरीच्या चर्चेकडे लागले आहे.
