US Iran Deal: अमेरिका आणि इराण यांच्यात अनेक महिन्यांनंतर अखेर शांतात करार झाला आहे. दोन्ही देशांच्या नेत्यांनी या करारावर व्हर्च्युअली स्वाक्षऱ्या केला आहेत. दरम्यान आता  इराणचे सर्वोच्च नेते, मोजतबा खामेनी यांनी अमेरिका आणि इराण यांच्यातील ऐतिहासिक कराराबाबत एक महत्त्वपूर्ण विधान केले आहे.

मोजतबा खामेनी ,” हा करार इराणच्या निराशेमुळे आणि दबावामुळे नव्हे, तर अमेरिकेमुळे झाला आहे.” असे म्हटले आहे. मोजतबा खामेनी यांनी पुढे बोलताना, हा करार शक्य करण्यासाठी अमेरिकेच्या राष्ट्राध्यक्षांनी प्रत्येक संभाव्य दबाव आणि प्रभावाचा वापर केला” असा मोठा दावा केला.

अमेरिका आणि इराण यांच्यात सामंजस्य करारावर स्वाक्षरी US Iran Deal:

सोशल मीडियावरील एका पोस्टमध्ये, मोजतबा खामेनी यांनी इराण आणि अमेरिकेच्या राष्ट्राध्यक्षांमध्ये सामंजस्य करारावर (एमओयू) स्वाक्षरी झाली असल्याची पुष्टी केली आहे. त्यांनी म्हटले की, “या टप्प्यापर्यंत पोहोचण्यासाठी इराणी अधिकाऱ्यांनी प्रामाणिक प्रयत्न केले, परंतु हा करार घडवून आणण्यासाठी सर्वात मोठे प्रयत्न अमेरिकेकडून झाले.” असे म्हटले.

मोजतबा खामेनी यांनी लिहिले, “अमेरिकेच्या राष्ट्राध्यक्षांनी, त्यांच्या निराशेत आणि दबावात, हा करार घडवून आणण्यासाठी प्रत्येक मार्गाचा वापर केला.”असे धक्कादायक विधान केले आहे.

कराराबद्दल माझे वेगळे मत होते: खामेनी

इराणच्या सर्वोच्च नेत्यांनी कबूल केले की, कराराबद्दल त्यांचे वैयक्तिक मत वेगळे होते. ते म्हणाले, “तत्त्वतः, माझा विचार वेगळा होता, परंतु मी या अटीवर परवानगी दिली की इराणचे राष्ट्राध्यक्ष देशाच्या आणि प्रतिकार आघाडीच्या हक्कांचे संरक्षण करतील.” त्यांनी हे देखील स्पष्ट केले की, भविष्यात अमेरिकेने मान्य केलेल्या मर्यादेपलीकडील मागण्या लादण्याचा प्रयत्न केल्यास इराण त्यांच्यापुढे झुकणार नाही.” असे म्हणत त्यांनी अमेरिकेला इशाराच दिला.

“अवाजवी मागण्या स्वीकारल्या जाणार नाहीत”

आपल्या संदेशात, इराणच्या सर्वोच्च नेत्याने म्हटले आहे की, “जर अमेरिकेने कराराच्या कक्षेबाहेर जाऊन अतिरिक्त अटी लादण्याचा प्रयत्न केला, तर इराण त्या स्वीकारणार नाही.” त्यांनी देशवासियांना संयम राखण्याचे आणि मान्य केलेल्या अटींच्या अंमलबजावणीची वाट पाहण्याचे आवाहन केले.

जी-७ शिखर परिषदेनंतर करार झाला US Iran Deal:

फ्रान्सचे राष्ट्राध्यक्ष इमॅन्युएल मॅक्रॉन यांनी आयोजित केलेल्या एका विशेष भोजनादरम्यान सामंजस्य करारावर स्वाक्षरी करण्यात आली. जी-७ शिखर परिषदेच्या समारोपानंतर फ्रान्समधील व्हर्सायच्या राजवाड्यात हा कार्यक्रम आयोजित करण्यात आला होता.

सोशल मीडिया प्लॅटफॉर्मवर या कराराची घोषणा करताना मॅक्रॉन म्हणाले की, “हा करार चिरस्थायी शांततेचा मार्ग मोकळा करेल आणि होर्मुझची सामुद्रधुनी पुन्हा उघडण्यास मदत करेल.”

जिनिव्हा बैठकीचे नियोजन कायम

या करारावर औपचारिक स्वाक्षरी मूळतः शुक्रवारी स्वित्झर्लंडमध्ये होणार होती. सामंजस्य करारावर स्वाक्षरी झाली असली तरी, जिनिव्हा येथील प्रस्तावित बैठक ठरल्याप्रमाणेच होईल, असे तेहरानने स्पष्ट केले आहे.