Ursula von der Leyen : संपूर्ण युरोपात ड्रोन हल्ले, घातपात आणि सायबर हल्ल्यांना रोखण्यासाठी युरोपीय संघाला नाटो सारखी सुरक्षा व्यवस्था उभी करणे गरजेचे आहे, असे युरोपीय आयोगाच्या अध्यक्षा उर्सुला वोन डेर लेयन (Ursula von der Leyen) यांनी म्हटले आहे. असे हल्ले रशियाकडून केले जात असल्याचा दावा देखील त्यांनी केला आहे.

अलिकडच्या काळात झालेल्या ड्रोन हल्ले आणि घातपाताच्या प्रयत्नांसारख्या घटनांच्या पार्श्‍वभुमीवर अशी सुरक्षा (Ursula von der Leyen) व्यवस्था उभी करण्यासाठी एकमत करण्याची तातडीची गरज आहे. सशस्त्र आक्रमण आणि युरोपीय संघातील देशांच्या राष्ट्रीय सुरक्षेला धोका निर्माण केला जाण्याच्या घटनांनंतर याची नितांत गरज असल्याचे लेयन यांनी म्हटले आहे.

रशियातून डागल्या गेलेल्या ड्रोनने आपल्या हवाई हद्दीत घुसखोरी, घातपात, जाळपोळ, संरक्षण ठिकाणांची टेहळणी आणि विमानांवर हल्ल्यांसाठी स्फोटके असलेल्या ड्रोनचा वापर केल्याचा आरोप जर्मनी, डेन्मार्क आणि पोलंडने अलिकडेच केला आहे.

नाटोच्या विमानांनी कालच लिथुआनियाच्या (Ursula von der Leyen) हद्दीत घुसलेले ड्रोन पाडले आहे. हे ड्रोन रशिया किंवा बेलारुसमधून डागले गेले होते. अशा घटनांमुळे युरोपीय संघाला सुरक्षेविषयी तातडीने विचार करावा लागत असल्याचे उर्सुला वोन डेर लेयन यांनी म्हटले आहे.