निमोणे (प्रतिनिधी) :- शिरुर तालुक्यातील अविनाश संकपाळ व आशिष देशमुख या दोन्ही तरुणांचा आदर्श इतर तरुणांनी घ्यावा” तसेच ‘शिरुर तालुका मल्ल सम्राट’ प्रकारच्या कुस्ती स्पर्धा प्रत्येक तालुक्यात व्हाव्यात. त्यामुळे तळागाळातील मल्लांना चांगली संधी प्राप्त होईल असे प्रतिपादन केंद्रीय मंत्री नारायण राणे यांनी केले. काल (दि 20) रोजी पुणे येथे केंद्रीय सूक्ष्म ,लघु व मध्यम उद्योग मंत्री नारायण राणे यांच्या हस्ते “शिरुर तालुका मल्ल सम्राट स्पर्धा २०२३ आंबळे” या स्पर्धेच्या “लोगो” चे अनावरण करण्यात आले.

गेली १९ वर्ष अखंडित पणे सुरु असलेली ही स्पर्धा यंदा २० व्या वर्षात पदार्पण करत आहे. ही स्पर्धा तालुक्यातील मल्लांना एक चांगले व्यासपीठ उपलब्ध करुन देत असते. यंदाच्या वर्षी हि स्पर्धा शिरुर तालुक्यातील आंबळे याठिकाणी १०, ११ व १२ फेब्रुवारी रोजी होणार आहेत.

दरवर्षी प्रमाणे यंदाच्या वर्षी देखील शिरुर मल्ल सम्राट हा किताब जिंकणाऱ्या मल्लास चांदीची गदा व दुचाकी बुलेट गाडी, रोख स्वरुपात  बक्षिस म्हणुन देण्यात येणार आहे. तर उपविजेत्या मल्लास दुचाकी स्प्लेंडर गाडी व रोख स्वरुपात बक्षिस देण्यात येणार आहे. त्याचप्रमाणे महिला विभागातील खुल्या गटातील विजेत्या महिलेस दुचाकी स्कुटी गाडी आणि चांदीची गदा व रोख स्वरुपात बक्षिसे देण्यात येणार आहेत.

https://wordpress-1295094-4705890.cloudwaysapps.com/pune-fund-of-50-crore-should-be-given-for-land-acquisition-of-subway-at-syednagar-railway-gate-nana-bhangire/

या लोगो अनावरण प्रसंगी पुणे शहर भारतीय जनता पार्टीचे चिटणीस सचिन सातपुते, “बाळासाहेबांची शिवसेना” पक्षाचे शिरुर तालुका प्रमुख रामभाऊ सासवडे, पुणे शहर भाजप वाहतूक आघाडीचे जिल्हाध्यक्ष आशिष देशमुख, स्पर्धेचे आयोजक अविनाश संकपाळ, आंबळे गावचे सरपंच सोमनाथ बेंद्रे, शिरूर तालुका कुस्तीगीर संघाचे उपाध्यक्ष दीपक वाघचौरे, आप्पासाहेब धुमाळ, महेश बेंद्रे, गणेश बेंद्रे, दादासाहेब चव्हाण आणि हर्षद देशमुख उपस्थित होते.