बीजिंग : ‘चीन’ने कोरोना विषाणूंवर नियंत्रण मिळवण्याची घोषणा केली आहे. मात्र, कोरोना संकटामुळे चीनमध्ये अनेक जण बेरोजगार झाले आहेत. जगातील दुसर्‍या क्रमांकाची अर्थव्यवस्था एका वर्षात 6.8 टक्क्यांनी खाली आली आहे. त्यामुळे चीन सरकारपुढे गरिबी मिटवण्याचा प्रश्न निर्माण झाला आहे. कोरोना विषाणूमुळे चिनी अर्थव्यवस्थेला फटका बसला असून अनेक कंपन्यांचे हजारो कोटींचे नुकसान झाले आहे. अर्थव्यवस्थेला रुळावर आणण्यासाठी चिनी सरकार गतीने काम करीत आहे. बीजिंगमधील एका कंपनीचे मार्केटींग मॅनेजर झांग लिझू म्हणाले की ऑटो क्षेत्रातील कंपन्यांचे मोठे नुकसान आहे. आम्हाला आशा आहे की चीन जगातील सर्वात शक्तिशाली अर्थव्यवस्था होईल.