UK Weather । युकेमध्ये 30 नोव्हेंबर ते 9 डिसेंबर या काळात मोठ्या हिमवादळाचा इशारा देण्यात आला आहे. या वादळामुळे केवळ तापमानात मोठी घसरण होणार नाही, तर अनेक भागात बर्फवृष्टी आणि पावसाची शक्यताही वाढेल. युके ज्या वेगवेगळ्या भागात बर्फवृष्टी होणार आहे. यामध्ये उत्तर इंग्लंड आणि स्कॉटलंड, दक्षिण-पूर्व इंग्लंड, ब्राइटन आणि होव्ह, ग्रेटर लंडन, सरे आणि केंट, हॅम्पशायर आणि साउथॅम्प्टन यांचा समावेश आहे. संपूर्ण यूकेमध्ये हे 411 मैल लांब बर्फाचे वादळ असणार आहे. याचा अर्थ यूकेच्या अंदाजे 661 किमी भागात जोरदार हिमवृष्टी होईल.

युकेमध्ये ज्या भागात बर्फवृष्टी होईल तेथे तापमान शून्याच्या खाली जाण्याची शक्यता आहे. याशिवाय थंड वारे वाहतील. त्याचा फटका न्यूकॅसल, कुंब्रिया आणि नॉर्थम्बरलँडला बसणार आहे. 75-80 मिमी पर्यंत पाऊस पडण्याची शक्यता आहे. याशिवाय धुके, दिवसा थंडी आणि रात्री थंडी पडण्याची शक्यता आहे.

डिसेंबरच्या सुरुवातीला जोरदार बर्फवृष्टी होईलUK Weather ।
WX चार्टनुसार, हिमवर्षाव प्रामुख्याने 7 डिसेंबरपासून प्रभावी होऊ शकतो. थंडीची लाट आणि हिमवादळामुळे वाहतूक आणि दैनंदिन जीवन प्रभावित होण्याची शक्यता आहे. या कालावधीत, इंग्लंड आणि वेल्समध्ये तापमान 4-5°C पर्यंत खाली येऊ शकते तर स्कॉटलंडमध्ये तापमान शून्यापेक्षा खाली जाऊ शकते. संभाव्य धोका लक्षात घेता प्रवासी आणि नागरिकांना सतर्कतेचा इशारा देण्यात आला आहे. याशिवाय हवाई आणि रस्ते वाहतुकीवर परिणाम होऊ शकतो.

लोकांसाठी सुरक्षा टिप UK Weather ।
खराब हवामानात अनावश्यक प्रवास टाळा.
थंडीपासून बचाव करण्यासाठी योग्य उबदार कपडे वापरा.
आपत्कालीन परिस्थितीत जीवनावश्यक वस्तू सोबत ठेवा.
चक्रीवादळ बर्टमुळे आलेल्या पुराच्या एका आठवड्यानंतर हा इशारा देण्यात आला आहे. त्यावेळी यू.के. मुसळधार पाऊस आणि अनेक भागात पुरामुळे जनजीवन विस्कळीत झाले आहे.