UGC NET Exam 2024 । देशात सध्या नीटच्या पेपर लीक प्रकरणाने एकच गोंधळ घातला आहे. त्यातच काही दिवसापूर्वी UGC-NET च्या परीक्षा रद्द करण्यात आल्या होत्या. त्यानंतर आता UGC-NET परीक्षेच्या नवीन तारखा जाहीर करण्यात आल्या आहेत. ही परीक्षा 18 जून रोजी घेण्यात आल्याच्या एका दिवसानंतर रद्द करण्यात आली होती. आता 21 ऑगस्ट ते 4 सप्टेंबर दरम्यान आयोजित करण्यात येणार आहे.

नॅशनल टेस्टिंग एजन्सी (NTA) ने जाहीर केले. डार्कनेटवर पेपर फुटल्यानंतर परीक्षा रद्द झाल्याच्या आठवडाभरानंतर ही घोषणा करण्यात आली आहे. नॅशनल टेस्टिंग एजन्सी (NTA) द्वारे UGC NET नवीन परीक्षेच्या नवीन तारखांनुसार, UGC NET जून 2024 परीक्षा 21 ऑगस्ट 2024 ते 04 सप्टेंबर 2024 दरम्यान आयोजित केली जाणार आहे. सर्व परीक्षा संगणकावर आधारित असतील. NCET 2024 ची परीक्षा 10 जुलै रोजी होणार आहे. 25 ते 27 जुलै दरम्यान संयुक्त CSIR UGC NET घेण्यात येईल. त्याच वेळी, अखिल भारतीय आयुष पदव्युत्तर प्रवेश परीक्षा (AIAPGET) 2024 आधीच ठरल्यानुसार 6 जुलै रोजी होणार आहे.

एजन्सी काय म्हणाली? UGC NET Exam 2024 ।

नॅशनल टेस्टिंग एजन्सीने नॅशनल कॉमन एंट्रन्स टेस्ट (NCET), जी आधी पुढे ढकलण्यात आली होती, ती आता 10 जुलै रोजी घेतली जाईल , असे म्हटले आहे. 25 ते 27 जुलै दरम्यान संयुक्त CSIR-UGC NET परीक्षा घेतली जाईल. 21 ऑगस्ट ते 4 सप्टेंबर या कालावधीत यूजीसी-नेट परीक्षा नव्याने घेतल्या जातील, असे एजन्सीने म्हटले आहे. ही परीक्षा 18 जून रोजी घेण्यात आली होती, मात्र एका दिवसानंतर ती रद्द करण्यात आली.

पेपरफुटीच्या मुद्द्यावरून आंदोलने  UGC NET Exam 2024 ।

त्याचबरोबर पेपरमधील कथित गैरप्रकारांविरोधात दिल्लीतील जंतरमंतरवर विद्यार्थ्यांचे बेमुदत आंदोलन शुक्रवारी तिसऱ्या दिवशीही सुरूच होते. ऑल इंडिया स्टुडंट्स असोसिएशन (AISA) आणि दिल्ली विद्यापीठाच्या क्रांतिकारी युवा संघटना (KYS) या डाव्या-समर्थित विद्यार्थी संघटनांसह विविध गट, राष्ट्रीय चाचणी संस्थेने (NTA) घेतलेल्या परीक्षांमध्ये कथित हेराफेरीच्या निषेधार्थ जंतरमंतर येथे एकत्र आले. ‘भारत विरुद्ध एनटीए’ या बॅनरखाली आंदोलन करणारे विद्यार्थी राष्ट्रीय परीक्षा एजन्सी बरखास्त करून केंद्रीय शिक्षणमंत्री धर्मेंद्र प्रधान यांच्या राजीनाम्यासह विविध मागण्या करत आहेत.