नवी दिल्ली : नॅशनल टेस्टिंग एजन्सी, एनटीएने यूजीसी-नेट २०२४ च्या फेरपरीक्षेचे सविस्तर वेळापत्रक जाहीर केले आहे. या वेळापत्रकानुसार यूजीसी नेट २०२४ येत्या २१ ऑगस्ट ते ४ सप्टेंबर २०२४ दरम्यान होणार आहे.

काय लिहिले नोटीसमध्ये?
“नॅशनल टेस्टिंग एजन्सी (एनटीए) २१ ऑगस्ट २०२४ ते ०४ सप्टेंबर २०२४ दरम्यान सीबीटीमध्ये ८३ विषयांमध्ये ‘कनिष्ठ संशोधन फेलोशिप आणि सहाय्यक प्राध्यापक म्हणून नियुक्ती’, (२) ‘सहाय्यक प्राध्यापक म्हणून नियुक्ती आणि पीएचडी प्रवेशासाठी प्रवेश’ आणि (३) केवळ पीएचडीसाठी प्रवेश’ घेण्यासाठी यूजीसी – नेट जून २०२४ आयोजित केली जाईल.

ताज्या वेळापत्रकानुसार ही परीक्षा दोन शिफ्टमध्ये घेण्यात येणार असून प्रत्येकी तीन तासांचा कालावधी असणार आहे. पहिली शिफ्ट सकाळी ९ ते दुपारी १२ आणि दुसरी शिफ्ट दुपारी ३ ते सायंकाळी ६ या वेळेत होणार आहे.