Uddhav Thakeray CM Banners । राज्यात विधानसभा निवडणूक आणि मुख्यमंत्री पदाचा चेहरा हा विषय सध्या सगळीकडे चर्चिला जात आहे. दोन दिवसापूर्वी उपमुख्यमंत्री अजित पवार यांच्या कार्यकर्त्यांनी भावी मुख्यमंत्री असा उल्लेख करणारे पोस्टर्स सर्वत्र लावले होते. आता असेच पोस्टर्स पुन्हा एकदा लावण्यात आले आहे. मात्र हे पोस्टर आता शिवसेना ठाकरे गटाचे प्रमुख उद्धव ठाकरे यांच्या नावाने लागले आहेत.

शिवसेनेचे माजी मुख्यमंत्री उद्धव ठाकरे यांची राज्यात वाढदिवसानिमित्त भावी मुख्यमंत्री अशा मजकूराची फलके विविध जिल्ह्यांमध्ये लावण्यात आली आहेत. विधानसभेच्या पार्श्वभूमीवर या बॅनर्सची राजकीय वर्तुळात चांगलीच चर्चा रंगली आहे. अकोला, बुलढाणा, सांगली, पुणे, हिंगोलीसह राज्यातील विविध जिल्ह्यात भावी मुख्यमंत्री उदधव ठाकरे यांना वाढदिवसाच्या शुभेच्छा अशी बॅनर्स राज्यभरात शिवसैनिकांकडून लावण्यात आली आहेत. यातील अनेक बॅनरवर भावी मुख्यमंत्री असा उल्लेख केला असून राज्यातील नेते त्यांना वाढदिवसाच्या शुभेच्छा देत असल्याचे दिसून येत आहे.

उद्धव ठाकरेंच्या वाढदिवसानिमित्त सर्वत्र बॅनरबाजी Uddhav Thakeray CM Banners ।
आज माजी मुख्यमंत्री आणि शिवसेना पक्षप्रमुख उद्धव ठाकरे यांचा वाढदिवस आहे. त्यांच्या वाढदिवसानिमित्त शुभेच्छांचे अनेक ठिकाणी बॅनर लावण्यात आले आहेत. या माध्यमातून महाविकास आघाडीतील काँग्रेस आणि राष्ट्रवादीवर शिवसेनेकडून पुन्हा एकदा दबाव वापरण्याचा प्रयत्न केला जातोय. जवळ येऊन ठेपलेल्या विधानसभा निवडणुकांमध्ये उद्धव ठाकरे यांना मुख्यमंत्र्याचा चेहरा म्हणून महाविकास आघाडीने समोर केलं पाहिजे, अशी मागणी या माध्यमातून शिवसैनिकांकडून केली जात आहे.

अकोल्याचे बॅनर अज्ञातांना फाडले Uddhav Thakeray CM Banners ।
राज्यभर भावी मुख्यमंत्री उद्धव ठाकरे अशा मजकूराची बॅनर्स चर्चेचा विषय होत असताना अकोल्यातील बसस्थानक चौकात उद्धव ठाकरेंच्या वाढदिवसाचे बॅनर अज्ञातांनी फाडलेत. ठाकरे गटाचे कार्यकर्ते आक्रमक झाले असून. शिवसैनिकांचा बसस्थानक चौकात ठिय्या केलाय. सिटी कोतवाली पोलिसांत ठाकरे गट देणार तक्रार देणार असल्याचं सांगण्यात आलंय.

 शिवसैनिकांकडून चढवली दर्गात चादर
आज उद्धव बाळासाहेब ठाकरे यांचा जन्मदिन त्यानिमित्त बुलढाण्यातील उबाठा गटाच्या पदाधिकाऱ्यांनी बुलढाण्यातील प्रसिद्ध अशा सैलानी दर्ग्यावर जाऊन चादर चढवली . उद्धव ठाकरे हे पुन्हा मुख्यमंत्री होवोत , त्यांना दीर्घायुष्य लाभाव यासाठी उबाठा गटाच्या पदाधिकाऱ्यांनी व शिवसैनिकांनी सैलानी दर्ग्यावर जाऊन सैलानी बाबांना मन्नत देखील मागितली. पुरोगामी विचारांच्या ठाकरे परिवारातील सदस्याच्या प्रगतीसाठी त्यांच्याच कार्यकर्त्यांकडून दर्ग्यावर चादर चढवून मंन्नत मागितल्याने जिल्ह्यातील राजकीय वर्तुळात भुवया उंचावल्या आहेत