Uddhav Thackeray | भाजपचे राष्ट्रीय सरचिटणीस विनोद तावडे यांनी पैसे वाटल्याचा आरोप बहुजन विकास आघाडीच्या कार्यकर्त्यांनी केला आहे. हॉटेल विवांता येथे तावडे पैसे वाटत असल्याचा आरोप बविआचे नेते हितेंद्र ठाकूर आणि क्षितीज ठाकूर यांनी केला आहे. यावेळी भाजप आणि बहुजन विकास आघाडीच्या कार्यकर्त्यांमध्ये तुफान राडा झाल्याचे पाहायला मिळाले.

सध्या या घटनेचा व्हिडिओ सोशल मीडियावर व्हायरल होत आहे. या घटनेनंतर महाविकास आघाडीच्या नेत्यांकडून महायुती सरकारवर हल्लाबोल केला जात आहे. माजी मुख्यमंत्री उद्धव ठाकरेंनी देखील या घटनेवर आपली प्रतिक्रिया दिली आहे.

उद्धव ठाकरे काय म्हणाले? 

उद्धव ठाकरे यांनी सहकुटुंब आज तुळजापूर येथे तुळजाभवानी मातेचे दर्शन घेतल्यानंतर प्रसारमाध्यमांशी संवाद साधला. तेव्हा उद्धव ठाकरे म्हणाले, “तुळजाभवानीच्या दर्शनाला येतानाही माझी बॅग तपासली गेली. बॅगेत तर काही सापडलं नाही, विनोद तावडेंच्या बॅगेत पैसे सापडल्याचं आताच तुमच्याकडून समजले.”

तसेच माजी गृहमंत्री अनिल देशमुखांवर काल प्राणघातक हल्ला झाला, हे तपासणी करण्याचे काम कुणाचं होतं? त्यासाठीचं आज मी आई तुळजा भवानी चरणी साकडं घालण्यासाठी इथे आलो आहे. भ्रष्ट आणि दहशतवादी राजवट ही या राज्यातून संपवायची आहे. म्हणूनच मी आई तुळजाभवानीला साकडं घातलं आहे, भ्रष्ट राजवट या राज्यातून संपवून टाक.” Uddhav Thackeray |

भाजपचा खेळ खल्लास – संजय राऊत 

तर दुसरीकडे उद्धव ठाकरे गटाचे नेते संजय राऊत यांनी देखील ट्वीट करत भाजपवर हल्लाबोल केला आहे. “भाजपचा खेळ खल्लास! जे काम निवडणूक आयोगानेच करायला हवे होते ते काम ठाकुरानी केले! निवडणूक आयोग आमच्या बॅगा तपासतो आणि इकडे शेपूट घालतो!” असे ट्विट करत ठाकरे गटाचे खासदार संजय राऊत यांनी व्हिडिओ शेअर केला आहे.

दरम्यान,  विरारमध्ये विनोद तावडे यांना बविआच्या कार्यकर्त्यांनी घेरले असून त्यांनी पाच कोटी वाटल्याचा आरोप हितेंद्र ठाकूर यांनी केला. त्याशिवाय त्यांच्याकडील डायरीमध्ये १५ कोटींची नोंद असल्याचा आरोपही ठाकूर यांनी केला. विनोद तावडे यांना बविआच्या कार्यकर्त्यांनी घेराव घातला. मात्र विनोद तावडे यांनी देखील बहुजन विकास आघाडीकडून करण्यात आलेले आरोप फेटाळले आहेत. Uddhav Thackeray |

हेही वाचा: 

“पराभव दिसत असल्याने विरोधकांचा रडीचा डाव” ; विनोद तावडे पैसे वाटप प्रकरणी भाजप नेत्यांच्या प्रतिक्रिया