Udaipur Violence ।  राजस्थानमधील उदयपूर येथील सरकारी शाळेत काल दहावीच्या विद्यार्थ्याने शाळकरी मित्रावर चाकूहल्ला केल्याने जातीय तणाव वाढल्याची घटना समोर आली. या घटनेनंतर जमावाने गाड्या पेटवल्या आणि मोठ्या प्रमाणात दगडफेक केली. परिस्थिती पाहता उदयपूर आणि आसपासच्या भागात  पुढील 24 तासांपर्यंत इंटरनेट बंद करण्यात आले आहे.

पोलिसांनी दिलेल्या माहितीनुसार, भटियानी चोहट्टा येथील सरकारी शाळेत चाकूहल्ला झाल्याची घटना तात्काळ समजू शकली नाही. पोलिसांनी सांगितले की, चाकू हल्ला झालेल्या विद्यार्थ्याला जिल्हा रुग्णालयातील अतिदक्षता विभागात (आयसीयू) दाखल करण्यात आले असून विद्यार्थ्यांची  प्रकृती स्थिर आहे.

जमावाने दगडफेक केली, गाड्या पेटवल्या Udaipur Violence । 

पोलिसांनी सांगितले की, या घटनेचा निषेध करण्यासाठी काही हिंदू संघटनांचे सदस्य शहरातील मधुबन भागात जमले होते. जमावाने दगडफेक करून तीन-चार गाड्या पेटवल्याचे पोलिसांनी सांगितले.

बाजार बंद केला

शुक्रवारी सायंकाळी तणाव वाढल्याने बापू बाजार, हातीपोळ, घंटाघर, चेतक सर्कल व परिसरातील बाजारपेठा बंद ठेवण्यात आल्या होत्या. हिंदू संघटनांच्या लोकांनी बाजारपेठेतील दुकाने बंद पाडली. काही हिंसक घटकांनी एका शॉपिंग मॉलवरही दगडफेक केली, ज्यात दुकानांच्या काचेच्या दरवाजांचे नुकसान झाले.

पोलीस बंदोबस्त तैनात Udaipur Violence । 

त्याचवेळी सरकारी रुग्णालयाबाहेर शेकडो लोक जमा झाल्याने पोलिसांनी जमावाला पांगवले. उदयपूरचे पोलीस अधीक्षक योगेश गोयल यांनी सांगितले की, कायदा व सुव्यवस्था राखण्यासाठी परिसरात अतिरिक्त पोलीस तैनात करण्यात आले आहेत. आरोपीला पकडण्यात आल्याचे त्यांनी सांगितले.

प्रत्येक हालचालींवर पोलिसांची नजर  

आणखी एका पोलिस अधिकाऱ्याने सांगितले की, शहरातील जवळपास सर्वच भागात पोलिस दल तैनात आहे आणि सर्व पोलिस अधिकारी जमिनीच्या पातळीवरील प्रत्येक घडामोडींवर लक्ष ठेवून आहेत. विभागीय आयुक्त राजेंद्र भट्ट, जिल्हा दंडाधिकारी अरविंद पोसवाल, एसपी योगेश गोयल, राज्यसभा सदस्य चुन्नीलाल गरसिया, लोकसभा खासदार मन्नालाल रावत, आमदार ताराचंद जैन, फुलसिंग मीना आणि इतर लोकप्रतिनिधींनी परिस्थितीबाबत बैठक घेतली.