नवी दिल्ली – तेलंगणामध्ये भारतीय हवाई दलाचे ट्रेनर विमान कोसळल्याची बातमी समोर आली आहे. मेडक जिल्ह्यात ही घटना घडली. अपघाताच्या वेळी विमानात ट्रेनर पायलट आणि ट्रेनी पायलट उपस्थित होते. या अपघातात दोन्ही वैमानिकांचा मृत्यू झाला आहे. (telangana trainer plane accident)

सदर ट्रेनर विमानाने सकाळी तेलंगणातील दिंडीगुल येथील वायुसेना अकादमीतून उड्डाण केले होते. त्यानंतर सकाळी ८.५५ वाजता विमानाला अपघात झाला. अपघातात सामील असलेले विमान पिलॅटस पीसी ७ एमके-२ विमान होते. (plane accident)

या अपघातात दोन्ही पायलट गंभीर जखमी झाल्याने त्यांचा मृत्यू झाला. या अपघातात कोणत्याही नागरिकाचे किंवा मालमत्तेचे नुकसान झाले नाही. हवाई दलाने अपघाताच्या चौकशीचे आदेश दिले आहेत.

यापूर्वी जानेवारी महिन्यातही भारतीय हवाई दलाच्या दोन विमानांना अपघात झाला होता. मध्य प्रदेशातील मुरैना येथे झालेल्या या अपघातात भारतीय हवाई दलाची दोन लढाऊ विमाने कोसळली होती. त्यात एका वैमानिकाचा मृत्यू झाला होता.