Ragini MMS 3 : साऊथ सिनेमा इंडस्ट्रीत आपल्या अभिनयाने प्रेक्षकांवर मोहिनी घालणारी अभिनेत्री तनन्ना भाटिया आता बॅालिवूडमध्ये आपल्या दिलखेचक अदांनी सतत चर्चेत असते. खरंतर तमन्ना हिला खऱ्या अर्थाने लोकप्रियता मिळवून दिली ती बाहुबली या सिनेमाने.

या सिनेमानंतर तिने अनेक हिंदी सिनेमांत भूमिका केल्या आहेत. तिचा चाहतावर्ग देखील मोठा आहे. आता तमन्ना रागिनी एम एम एस ३ या सिनेमात दिसणार असल्याची माहिती समोर आली आहे. तिच्याशिवाय या सिनेमात आणखी एक आघाडीची बॅालिवूड अभिनेत्री पाहायला मिळणार आहे.

अलिकडेच निर्माती आणि दिग्दर्शिका एकता कपूर हिने तिच्या आगामी ‘रागिनी एमएमएस ३’ सिनेमाबाबत एक अपडेट दिली होती. यामुळे आता एकता कपूर पुन्हा तिच्या या सिनेमामुळे चर्चित आली आहे. यावेळीही या सिनेमात एक नवीन स्टारकास्ट दिसणार आहे. अभिनेत्री तमन्ना भाटिया हिची या सिनेमात एण्ट्री झाली असून आता आणखी एका अभिनेत्रीची एण्ट्री सिनेमात झाली आहे. 123Telugu.com रिपोर्टनुसार, तमन्ना भाटियानंतर आता नोरा फतेही एकता कपूरच्या रागिनी MMS 3 चा भाग बनली आहे.

तमन्ना मुख्य भूमिकेत 

अभिनेत्री तमन्ना भाटिया लवकरच ‘रागिनी एमएमएस ३’ या हॉरर आणि थ्रिलर सिनेमात मुख्य भूमिका साकारणार आहे. तिला या सिनेमाची कथा आणि त्यातील भयपटाचा घटक खूप भावला असल्याचं तिने सांगितलं आहे. हा सिनेमा एकता कपूरच्या बालाजी मोशन पिक्चर्सच्या बॅनरखाली बनवला जात आहे. या वर्षाच्या अखेरीस या सिनेमाचं शूटिंग पूर्ण होणार असल्याची अपेक्षा आहे.

तमन्नाच्या वर्कफ्रंटबद्दल….

तमन्ना भाटिया लवकरच ‘वीवन’ सिनेमात दिसणार आहे. ‘वन: फोर्स ऑफ द फॉरेस्ट’ हा हॉरर सिनेमा १५ मे २०२६ रोजी प्रदर्शित होऊ शकतो. या सिनेमात तमन्नासोबत सिद्धार्थ मल्होत्रा देखील ​​दिसणार आहे.

हेही वाचा : Australia on Iran : ऑस्ट्रेलियाने इराणशी राजनैतिक संबंध तोडले ; इराणी राजदूताचीही हकालपट्टीची