पिंपरी – शहरातील रुग्णांना चांगली वैद्यकीय सुविधा मिळावी, यासाठी महापालिकेने चार नवीन रुग्णालये उभारली आहेत. या रुग्णालयांत मल्टीस्पेशालिटी सुविधा असून, चोवीस तास रुग्णसेवा सुरू केली आहे. यात पिंपरीतील नवीन जिजामाता, नवीन भोसरी, नवीन थेरगाव व आकुर्डीतील ह.भ.प. प्रभाकर मल्हारराव कुटे स्मृती रुग्णालय यांचा समावेश आहे. यामुळे महापालिकेच्या यशवंतराव चव्हाण रुग्णालयावरील (वायसीएम) ताण कमी होण्यास मदत मिळणार आहे. कोविड काळात पिंपरी महापालिकेने उभारलेल्या नवीन भोसरी, नवीन थेरगाव, नवीन जिजामाता, आकुर्डी नवीन या रूग्णालयाला महत्व प्राप्त झाले आहे. या रुग्णालयांमध्ये करोना संसर्ग झालेल्या रुग्णांवर उपचार करण्यात आले. त्यासाठी ऑक्सिजन आणि आयसीयू वॉर्ड सुरू केले. आता करोना संसर्ग कमी झाल्यामुळे या रुग्णालयांमध्ये अन्य रुग्णांवरही उपचार सुरू झाले आहेत. त्यासाठी चारही रुग्णालयांत चोवीस तास सुविधा उपलब्ध झाली आहे. या रुग्णालयांच्या आवारात कोविडकाळात ऑक्सिजननिर्मिती प्रकल्प उभारलेले असल्यामुळे बाहेरून ऑक्सिजन आणण्याची
