Jasmin Bhasin: वाढदिवस साजरा करण्यासाठी दुबईला पोहचली अन् रुग्णालय गाठलं; टीव्ही अभिनेत्रीवर उपचार सुरू
Jasmin Bhasin : बर्थडे सेलिब्रेशन सुरू होण्यापूर्वीच जस्मिनला अचानक त्रास
Jasmin Bhasin: टीव्हीवरील प्रसिद्ध अभिनेत्री जस्मिन भसीनला दुबईतील एका रुग्णालयात दाखल करण्यात आले आहे. येथेच तिने बॉयफ्रेंड अली गोनीसोबत तिचा वाढदिवस साजरा केला.
अली गोनीने जस्मिनसोबतचे काही फोटो शेअर केले आहेत, ज्यामध्ये ती रुग्णालयातील बेडवर झोपलेली दिसत आहे. हे फोटो पाहून तिचे चाहते खूप चिंतेत पडले आहेत. आता अली गोनीने ती रुग्णालयात दाखल असण्याचे कारण सांगितले असून, तिच्या तब्येतीविषयी एक मोठी भावनिक पोस्ट शेअर केली आहे. अत्यंत कठीण प्रसंगातही अलीनं रुग्णालयातच तिचा वाढदिवसाचा केक कापून तिचा धीर वाढवण्याचा प्रयत्न केला.
त्याचं झालं असं की, २८ जून रोजी जस्मिनचा वाढदिवस असल्याने, हा खास दिवस साजरा करण्यासाठी जस्मिन आणि तिचा बॉयफ्रेंड अली गोली दुबईला गेले. पण सेलिब्रेशन सुरू होण्यापूर्वीच जस्मिनला अचानक त्रास होऊ लागला आणि तिला रुग्णालयात दाखल करावं लागलं.
अली गोनीने आपल्या इन्स्टा पोस्टमध्ये लिहिले, “आपण इथे तुझा वाढदिवस साजरा करण्यासाठी आलो होतो, पण नशिबाला काही वेगळंच मंजूर होतं. वाढदिवसाचा आनंद साजरा करण्याऐवजी आम्ही रुग्णालयाच्या खोलीत आहोत. तुला अशा त्रासात पाहणं या ट्रिपमधला सर्वात कठीण भाग होता. तुला पुन्हा एकदा निरोगी आणि हसताना पाहण्यासाठी मी कोणतेही सेलिब्रेशन सोडायला तयार आहे.”
अलीने पुढे लिहिले, “तुला आनंद, उत्तम आरोग्य, प्रेम आणि यश मिळो. तू लवकर बरी हो, आज माझ्या मनात तुझ्या वाढदिवसासाठी ही एकच प्रार्थना आहे. वाढदिवसाच्या खूप खूप शुभेच्छा. माझं तुझ्यावर कायम प्रेम राहील.”
त्यानंतर अलीने एक स्टोरी शेअर करत लिहिले, “मला मेसेज आणि कॉल करणाऱ्या सर्व लोकांसाठी एक संदेश. तुमच्या प्रेम, प्रार्थना आणि मेसेजसाठी तुम्हा सर्वांचे आभार. आम्ही जैस्मिनचा वाढदिवस साजरा करण्यासाठी दुबईला आलो होतो, पण नशिबाला काही वेगळंच मंजूर होतं.
अचानक ती खूप आजारी पडली आणि गंभीर इन्फेक्शनमुळे तिला रुग्णालयात दाखल करावे लागले. गेले काही दिवस खूप कठीण आणि भावुक करणारे होते.”
अली गोनीने दिली हेल्थ अपडेट
अली गोनीने पुढे लिहिले, “जर मी तुमच्या मेसेजचे किंवा कॉलचे उत्तर देऊ शकलो नसेल, तर मला माफ करा. सध्या माझे पूर्ण लक्ष तिच्यासोबत राहण्यावर आहे. तिच्यावर उत्तम उपचार सुरू आहेत आणि ती हळूहळू बरी होत आहे. कृपया तिला तुमच्या प्रार्थनांमध्ये लक्षात ठेवा. ती खूप लवकर हसत परत येईल,” असे म्हणत त्याने जस्मीन बरी होत असल्याची माहिती देखील चाहत्यांसोबत शेअर केली आहे.
हेही वाचा:
