Tushar Deshpande Hat-Trick Chandigarh Wankhede Stadium Mumbai Ranji Trophy 2026 : रणजी करंडक स्पर्धेची सर्वाधिक जेतेपदे पटकावणाऱ्या मुंबई संघाने नव्या मोसमाची सुरुवात अत्यंत दिमाखात केली आहे. वानखेडे स्टेडियमवर चंदीगडविरुद्ध सुरू असलेल्या लढतीत मुंबईने प्रथम फलंदाजी करताना ४२९ धावांचा डोंगर उभा केला. यानंतर गोलंदाजीत वेगवान गोलंदाज तुषार देशपांडेने भेदक मारा करत पाहुण्या चंदीगडची दाणादाण उडवली. तुषारच्या माऱ्यापुढे चंदीगडचे ७ फलंदाज अवघ्या ३७ धावांवर गारद झाले. या दरम्यान तुषारने शानदार हॅटट्रिक नोंदवत नवा इतिहास रचला. रणजी करंडकात हॅटट्रिक घेणारा तो मुंबईचा केवळ सहावा गोलंदाज ठरला आहे.

११ व्या षटकात उडाली दांडी; सलग ३ चेंडूंत ३ शिकार –

तुषारने चंदीगडच्या डावातील सातव्या षटकात पहिला धक्का दिला. त्यानंतर ११ व्या षटकात त्याने कहरच केला. षटकातील तिसऱ्या चेंडूवर अर्जुन आझाद, चौथ्या चेंडूवर शुभम भांबरी आणि पाचव्या चेंडूवर दिपेंदर कुश या तिघांना सलग बाद करत त्याने आपली ऐतिहासिक हॅटट्रिक पूर्ण केली. अवघ्या पहिल्या सात षटकांतच पाच गडी टिपून त्याने चंदीगडच्या फलंदाजीचा कणा मोडला.

नवव्या क्रमांकावर उतरून ४४ धावा; पॅट कमिन्सची आठवण –

Earlier Tushar Deshpande hit crucial 44(47) with the bat at 9. 🔥

Now with a hattrick he’s having a bowling stat of 5/15, will easily pick 2-3 more wickets. 💥

I’m saying it again that Tushar should be in India’s Test scheme of things. He can do a terrific job at 8 like Cummins does for AUS. https://t.co/LKecgAJPme

— Pratyush Halder (@pratyush_no7) October 12, 2026

तुषारने केवळ चेंडूनेच नव्हे तर बॅटनेही मोलाचे योगदान दिले. नवव्या क्रमांकावर फलंदाजीला येत त्याने ४७ चेंडूंत उपयुक्त ४४ धावा कुटल्या, ज्यामुळे मुंबईला चारशेचा टप्पा ओलांडता आला. तळाला उपयुक्त धावा जमवून गोलंदाजीत सुरुवातीलाच विकेट्स मिळवून देणाऱ्या कमिन्ससारख्या अष्टपैलू खेळाडूची भारतीय कसोटी संघाला गरज असताना तुषारने अशी कामगिरी करून सर्वांचे लक्ष वेधले आहे.

हेही वाचा – Abhishek Sharma Statement : अभिषेक शर्मा वेस्ट इंडिजच्या प्लॅनवर कसा पडला भारी? सामन्यानंतर स्वत:च केला खुलासा

४९ प्रथम श्रेणी सामन्यांत १३४ विकेट्सचा पल्ला –

🔥 TUSHAR DESHPANDE ON FIRE! 🇮🇳💥

Tushar Deshpande grabs a stunning five-wicket haul, including a hat-trick, against Chandigarh in the Ranji Trophy! 🫡🏏

#TusharDeshpande #RanjiTrophy #IndianCricket #HatTrick #CricketNews #DomesticCricket #cricketmoodofficial @ICC @TusharD_24 @BCCI

— cricketmoodofficial (@cricketmoodcom) October 12, 2026

आपल्या ४९ प्रथम श्रेणी सामन्यांमध्ये तुषारने आतापर्यंत १३४ विकेट्स मिळवल्या आहेत. ७० धावांत ६ विकेट्स ही त्याची डावातील सर्वोत्तम कामगिरी आहे. त्याने आतापर्यंत ५ वेळा डावात ५ विकेट्स आणि ६ वेळा ४ विकेट्स मिळवण्याचा पराक्रम केला आहे. गोलंदाजीसह बॅटनेही योगदान देण्याची हीच लय कायम राहिल्यास कसोटी संघात स्थान मिळवण्यासाठी तो प्रबळ दावेदार ठरू शकतो.