Tukaram Mundhe :  महाराष्ट्राच्या अन्न आणि औषध प्रशासन विभागाचे आयुक्त तुकाराम मुंढे यांनी सोशल मिडियावर एक पोस्ट शेअर केली आहे. पदार्थांचा दर्जा किती महत्त्वाचा आहे हे सांगत त्यांनी तसंच चालतंय ना त्यात एवढं काय? हे धोरण सोडून देण्याचं आवाहन केले आहे.

तुकाराम मुंढेंची पोस्ट
“‘चालतयं एवढं काय’ हे धोरण नाही. एखादी व्यवस्था क्वचितच त्या मानकांपेक्षा किंवा दर्जापेक्षा वर जाऊ शकते, जी स्वीकारण्याची समाजाची तयारी असते. आपण उत्तम शासन, जागतिक दर्जाच्या संस्था आणि विकसित भारताची आकांक्षा बाळगतो.

तरीही, बऱ्याचदा आपण आपल्या दैनंदिन जीवनात निकृष्ट दर्जा, कमकुवत अंमलबजावणी आणि मध्यममार्गी वृत्ती सहन करत राहतो. यातूनच चालतंय ना एवढं काय त्यात? ही केवळ एक वृत्ती राहत नाही. ती एक संस्कृती बनते—जी संस्थांना आकार देते जबाबदारी नष्ट करते आणि गुणवत्तेला केवळ एक ‘पर्यायी’ गोष्ट बनवून टाकते. त्यामुळे हे धोरण सोडा, ” आवाहन तुकाराम मुंढे यांनी नागरिकांना केले आहे.

दरम्यान, तुकाराम मुंढेंनी जेव्हा झुरळ आढळलं म्हणून हॉटेल्स आणि रेस्तराँवर कारवाई केली होती तेव्हा त्यांच्यावर टीका झाली होती. काही आस्थापना त्यांच्या विरोधात न्यायालयातही गेल्या. दरम्यान तुकाराम मुंढेंनी आता चलता है हे धोरण सोडावं लागेल असं म्हटलं आहे. एका दृष्टीने त्यांनी नागरिकांच्या आरोग्याच्या दृष्टीने हे आवाहन केले आहे.

 

हेही वाचा :  

Pune News: पुणेकरांना दिलासा! उद्याचा पाणीकपात रद्द करण्याचा निर्णय; नियमित पाणीपुरवठा सुरू