Trump Tariff War । अमेरिकेचे अध्यक्ष डोनाल्ड ट्रम्प यांनी सुरू केलेले हे टॅरिफ वॉर आता तो हळूहळू गंभीर होत चालले आहे. ट्रम्प यांनी कॅनडा, मेक्सिको आणि चीनवर कर लादण्याची मोठी घोषणा केली होती. याला उत्तर म्हणून या तिन्ही देशांनी अमेरिकेला उत्तर देण्याचा निर्णय घेतला आहे. अमेरिकेने त्यांच्या उत्पादनांवर लादलेल्या २५% शुल्काच्या बदल्यात कॅनडाने अमेरिकन उत्पादनांवर समान टक्के शुल्क लादण्याची घोषणा केली आहे, तर मेक्सिको आणि चीननेही अमेरिकेच्या विरोधात रणनीती आखण्यास सुरुवात केली आहे. चीनने तर या प्रकरणात अमेरिकेविरुद्ध जागतिक व्यापार संघटनेत (WTO) खटला दाखल करण्याची धमकी दिली आहे. या प्रकरणात खटला दाखल करू Trump Tariff War । डोनाल्ड ट्रम्प यांनी कॅनडा आणि मेक्सिकोमधून आयात होणाऱ्या वस्तूंवर २५% आणि चीनमधून येणाऱ्या वस्तूंवर १०% कर लावण्याची घोषणा केली होती. चीनने ट्रम्पच्या निर्णयाला निराशाजनक म्हटले. तसेच हे एकतर्फी पाऊल जागतिक व्यापार संघटनेच्या नियमांचे गंभीर उल्लंघन असल्याचे म्हटले. तसेच आम्ही या प्रकरणात खटला दाखल करू. अशी धमकीच चीनने दिली आहे. याविषयी बोलताना,’व्यापार युद्धात कोणीही विजेता नसतो परंतु आता आपल्याला आपल्या हितांचे रक्षण करण्यासाठी आवश्यक पावले उचलावी लागतील.’ असे चीनकडून म्हटले गेले आहे. चीन देखील शुल्क लादणार ? Trump Tariff War । ट्रम्प यांनी शुल्क लावण्याचे एक कारण असेही दिले आहे की औषधे या देशांमध्ये तयार केली जातात आणि अमेरिकेत पाठवली जातात. यावर चीनच्या परराष्ट्र मंत्रालयाने म्हटले की, ही सर्व अमेरिकेची समस्या आहे, आमचा त्याच्याशी काहीही संबंध नाही. चीनच्या विधानांवरून हे स्पष्ट होते की लवकरच ते अमेरिकन उत्पादनांवर आयात शुल्क जाहीर करू शकते. तथापि, चीनच्या वाणिज्य मंत्रालयानेही दोन्ही देशांमधील हे व्यापार युद्ध शांत होईल अशी आशा व्यक्त केली आहे. चीनमधून येणाऱ्या वस्तूंवर १०% कर लादण्याच्या ट्रम्पच्या निर्णयाला ते तीव्र विरोध करतात आणि अमेरिकेला या प्रकरणात खुली चर्चा करून सहकार्य मजबूत करण्याचे आवाहन करतात, असे मंत्रालयाने म्हटले आहे.
