Malaika Arora | अभिनेता अरबाज खानची दुसरी पत्नी शुरा खानने मुलीला जन्म दिला. यानंतर सध्या खान कुटुंबात आनंदाचे वातावरण आहे. दुसऱ्या लग्नाच्या जवळपास दीड वर्षांनंतर अभिनेता अरबाज खान दुसऱ्यांदा बाबा झाला आहे. यानंतर अरबाज आणि शुरावर शुभेच्छांचा वर्षाव होत आहे. मात्र, अरबाजची पहिली पत्नी मलायका अरोराने क्रिप्टिक पोस्ट शेअर केली आहे. तिने एका रिएलिटी शोमधील तिचा जुना व्हिडिओ पोस्ट केला आहे. याद्वारे ती अरबाजला टोमणा असल्याची चर्चा सुरु आहे. मलायका अरोरा काही वर्षांपूर्वी ‘इंडियाज गॉट टॅलेंट’ हा शो होस्ट करत होती. त्याच शोचं एक रील तिने पोस्ट केलं आहे. यात मलायका, शान आणि नवज्योत सिंग सिद्धू परीक्षक आहेत. नवज्योत सिद्धू शेरोशायरीसाठी ओळखले जातात. त्यांनी शोमध्ये एक शेर म्हटला. ‘सच्चे प्यार मे कोई सौदेबाजी नही होती’ असं ते म्हणतात. यावर मलायका समोर पेपर, पेन घेते आणि म्हणते ‘काय काय परत सांगा..सच्चे प्यार मे…?’ मलायकाची अशी रिअॅक्शन पाहून सिद्धू पाजीही हसतात आणि म्हणतात, ‘सौदेबाजी नही होती’. सध्या तिच्या या इनस्टाग्राम स्टोरीवरील पोस्टने विविध चर्चांना उधाण आले आहे. Malaika Arora | 2016 मध्ये अरबाज आणि मलायकाचा घटस्फोट अरबाज आणि मलायका यांनी 1998 मध्ये लग्न केलं होतं. लग्नाच्या 19 वर्षांनंतर 2016 मध्ये या दोघांनी घटस्फोट घेतला. घटस्फोटाच्या काही काळानंतर ती अभिनेता अर्जुन कपूरला डेट करू लागली होती. त्यानंतर अरबाजने डिसेंबर 2023 मध्ये शूरा खानशी दुसरं लग्न केलं, तेव्हा चाहत्यांनी अशी अपेक्षा होती की मलायका आणि अर्जुनसुद्धा लग्न करतील. परंतु त्या दोघांचं ब्रेकअप झालं. अरबाज आणि मलायका यांना अरहान हा 22 वर्षांचा मुलगा आहे. Malaika Arora | हेही वाचा: “कुठे काय घालायचं हे मला कळतं”; बिकिनीवरुन ट्रोल करणाऱ्यांना रुचिराने सुनावले
