पंडित जसराज यांना उपमुख्यमंत्री अजित पवार यांची श्रद्धांजली

मुंबई :- “महान शास्त्रीय गायक, पद्मविभूषण पंडित जसराज यांच्या निधनाने भारतीय संगीत नि:शब्द झाले आहे.अशा शब्दात उपमुख्यमंत्री अजित पवार यांनी त्यांना श्रद्धांजली वाहिली.

उपमुख्यमंत्री म्हणतात की, ऐंशी वर्षांहून अधिक काळ रसिकांना मंत्रमुग्ध करणारा स्वर शांत झाला आहे. पंडीत जसराज यांनी भारतीय संगीत समृद्ध केलं. देशविदेशात लोकप्रियता मिळवून दिली. त्यांचं निधन ही भारतीय शास्त्रीय संगीत जगताची मोठी हानी आहे. त्यांचं ध्वनिमुद्रीत गायन, संगीत अनेक पिढ्यांना शास्त्रीय संगीताचा आनंद देत राहील. त्यांचा स्वर आणि आकाशमंडलातील ताऱ्याला दिलेलं नाव यामुळे ते अनंतकाळ रसिकांच्या स्मरणात राहतील.