मुंबई – दिल्लीच्या उपहार सिनेमाच्या घटनेवर आधारित ‘ट्रायल बाय फायर’ या वेब सिरीजचा ट्रेलर रिलीज झाला आहे. ही मालिका OTT प्लॅटफॉर्म Netflix वर स्ट्रीम केली जाईल. या मालिकेत अभय देओल आणि राजश्री देशपांडे यांच्या प्रमुख भूमिका आहेत. 2 मिनिटे 4 सेकंदाच्या या ट्रेलरमध्ये 1997 साली घडलेली भीषण घटना आणि त्यानंतर पीडितांचा न्यायासाठी केलेला संघर्ष दाखवण्यात आला आहे.

ही मालिका नीलम आणि शेखर कृष्णमूर्ती यांच्या न्यायासाठीच्या संघर्षावर केंद्रित असल्याचे दिसते. या दोघांनीही उपार आगीत आपली दोन मुले गमावली होती. त्यानंतर त्यांनी तब्बल २४ वर्षे न्यायासाठी लढा दिला. यादरम्यान दोघांना कोणत्या समस्यांना सामोरे जावे लागले. न्यायासाठी किती अडचणी आल्या. हे या मालिकेत दाखवले आहे.

 

 

‘ट्रायल बाय फायर’ नीलम आणि शेखर कृष्णमूर्ती यांच्या ‘ट्रायल बाय फायर: द ट्रॅजिक टेल ऑफ द उपहार फायर ट्रॅजेडी’ या सर्वाधिक विक्री झालेल्या पुस्तकावर आधारित आहे. हा ट्रेलर तुम्हाला त्या काळात घेऊन जात आहे जेव्हा लोक या घटनेनंतर न्याय मिळवण्यासाठी न्यायालयाच्या चकरा मारत होते. सगळीकडे निराशाच दिसत होती. ट्रेलरमध्ये एक संवाद आहे ज्यामध्ये राजश्री देशपांडे म्हणते, “ये लोग सब बचकर निकल जाएंगे, कोई नहीं सुनना चाहता.” यावर अभय देओल धीर देतो आणि म्हणतो,“तो हम सुनने पर मजबूर करेंगे.”