Jailer 2 Movie : गेल्या काही दिवसांपूर्वी दााक्षिणात्य अभिनेता प्रभास याच्या आगामी ‘फौजी’ चित्रपटाच्या चित्रीकरणावेळी अपघाताची घटना घडली होती.

ही घटना ताजी असतानाच आता सुपरस्टार रजीनाकांत (Rajanikant) यांच्या आगामी जेलर २ चित्रपटाच्या सेटवर दुर्दैवी घटना घडली आहे.

चित्रपटाच्या शूटिंगसाठी सेट उभारण्याचे काम सुरू असताना विजेचा धक्का लागून 28 वर्षीय कर्मचाऱ्याचा मृत्यू झाला आहे. या घटनेमुळे दाक्षिणात्य  चित्रपटसृष्टीत हळहळ व्यक्त केली जात आहे.  (Jailer 2 Movie )

मृत व्यक्तीचे नाव कार्तिकेय असून तो चित्रपटाच्या कला दिग्दर्शन विभागात काम करत होता. वृत्तानुसार, दक्षिण चेन्नईतील पनायूर परिसरात चित्रिकरणासाठी घरासारखा सेट उभारला जात होता. या सेटचे काम सुरू असताना कार्तिकेयला अचानक विजेचा जोरदार धक्का बसला आणि त्याचा जागीच मृत्यू झाला.  (Jailer 2 Movie )

या घटनेनंतर कनाथूर पोलिसांनी तपास सुरू केला असून नेमका विजेचा धक्का कसा लागला याचा शोध घेतला जात आहे. अद्याप या प्रकरणी अधिकृत एफआयआर दाखल करण्यात आलेली नसली तरी पोलिसांकडून सर्व बाजूंनी चौकशी केली जात आहे.

जेलर या 2023 मधील सुपरहिट ॲक्शन थ्रिलर चित्रपटाचा ‘जेलर 2’  (Jailer 2)  हा सिक्वेल आहे. दिग्दर्शक नेनेल्सन दिलीपकुमार यांच्यासोबत रजनीकांत यांचा हा दुसरा चित्रपट असून, निर्मिती सन पिक्चर्स करत आहे.  (Jailer 2 Movie )

या चित्रपटात रजनीकांत पुन्हा एकदा ‘मुथुवेल पांडियन’च्या भूमिकेत दिसणार आहेत. तसेच रम्या कृष्णन, वसंत रवि आणि विनायकन यांच्याही महत्त्वपूर्ण भूमिका असणार आहेत. याशिवाय विजय सेतुपती, मोहनलाल आणि फहाद फासिल या कलाकारांचा कॅमिओ पाहायला मिळणार आहे.

वृत्तांनुसार, ‘जेलर 2’ 12 जून रोजी चित्रपटगृहांत प्रदर्शित होण्याची शक्यता आहे. त्यानंतर हा चित्रपट अॅमेझॅान प्राइमवर प्रदर्शित होणार असल्याचं सांगितलं जात आहे.

डिजिटल हक्कांसाठी तब्बल 160 कोटी रुपयांचा करार झाल्याची चर्चा असून, हा तमिळ चित्रपटसृष्टीतील सर्वात मोठ्या करारांपैकी एक मानला जात आहे. चित्रपटाचे संगीत दिग्दर्शन अनिरुद्ध रविचंदर यांनी केलं आहे.